चिनियाँ वाणिज्य मन्त्रालयद्वारा आज आयोजित नियमित पत्रकार सम्मेलनमा प्रवक्ता याउ चेनले उक्त कुरा बताउनुभएको हो। उहाँका अनुसार, गत वर्ष चीनले प्रयोग गरेको विदेशी लगानी नब्बे अर्ब अमेरिकी डलर पुगेको छ, यो सन् 2007को तुलनामा तेइस प्रतिशतले बढी हो। तथापि विश्वको आर्थिक परिस्थितिको प्रभावमा परेको कारण गत वर्षको चौथो त्रैमासिक अवधिदेखि चीनले भित्र्याउने विदेशी लगानी घटेको देखिन्छ। गत वर्षको अक्टोबरदेखि चीनले प्रयोग गरेको विदेशी लगानी पहिलेको तुलनामा घट्दै आएको छ।