चीनको परराष्ट्र मन्त्रालयका प्रवक्ता श्रीमती च्याङ्ग युले आज पैचिङ्गमा आयोजित नियमित पत्रकार सम्मेलनमा बोल्दै यो साल अफ्रिकाप्रति चीनका आठ वटा कदमहरुलाई व्यवहारमा उतारिएको अन्तिम साल भएको र त्यसको समष्टिगत अवस्था सुचारु रहेको कुरा बताउनुभएको छ।

       उहाँको भनाइअनुसार चीन र अफ्रिका बीचको सहयोगले शक्तिशाली रुपमा अफ्रिकाका सामाजिक र आर्थिक विकासलाई अघि सार्दै आएको, साथै त्यसले अन्तर्राष्ट्रिय समाजलाई झन् झन् अफ्रिकी समस्यामाथि ध्यान बढाएको छ। अफ्रिकासितको सहयोगमा चीनले खुलापन र सहनशील अडान लिंदै आएको छ। अफ्रिकाको शान्तिपूर्ण विकासमाथि सदिच्छापूर्वक नजर पुर्‍याउँदै आएका मुलुकहरु र क्षेत्रहरुसित आदान-प्रदान गर्न चीन इच्छुक छ, जसबाट संयुक्त रुपमा अफ्रिकाका स्थायित्व, शान्ति र विकासलाई बढाउन सकिने आशासमेत गरिएको छ।