|
 चिनियाँहरुको महान चाड बसन्त चाड 2009 काठमाण्डौमा हिजो विविध कार्यक्रमहरुको आयोजना गरि मनाईएको छ।
अरनिको समाजको आयोजनामा काठमाण्डौको होटल अन्नपूर्णमा बसन्त चाड सम्बन्धि भव्य कार्यक्रममा बोल्नु हुदै नेपालका लागि चिनिया राजदुत छ्वु कोहोङ्गले दुई देश बीचको मैत्रिपूर्ण सम्बन्धलाई अझ प्रगाढ बनाउन यस्ता साँस्कृतिक कार्यक्रमको उच्च महत्व रहने बताउनु भयो।
केहि समय अघि सम्पन्न पेईचिङ ओलम्पिकको स्मरण गर्नु हदै राजदुत छ्वु कोहोङ्गले एक असल छिमेकीको नाताले पेईजिङ ओलम्पिकको सफलतामा नेपालले पूर्याएको योगदानको मुग्ध कण्ठले प्रशंसा गर्नु भयो। चीन सधै शान्तिपूर्ण र समुन्नत नेपालको पक्षमा रहेको प्रशंग उल्लेख गर्नु हुदै प्रधान मन्त्रि पूष्पकमल दाहालको औपचारिक चीन भ्रमणको चिनियाँ जनताले उत्सुकता पूर्वक प्रतिक्षा गरिरहेको राजदुत छ्वुले बताउनु भयो।
सो कार्यक्रममा बोल्नु हुदै संस्कृति तथा राज्य पुर्न: संरचना मंन्त्रि गोपाल किरातीले चीनसँगको सम्बन्धलाई नेपाल सरकारले उच्च महत्व दिएको बताउनु भयो । द्रुतगतिमा चीनले हासिल गरेको आर्थिक प्रगतिबाट नेपाली जनताले सिक्ने प्रसस्त कुराहरु रहेकोमा समेत मन्त्रि किरातीले जोड दिनु भयो ।
रमेशकुमार भट्टराई
सि.आर.आई.
विराटनगर
|
