चीनको परराष्ट्र मन्त्रालयका प्रवक्ता च्याङ्ग युले आज पैचिङ्गमा बोल्दै कोरियाली प्रायद्बीपका दक्षिणी र उत्तरी दुवै पक्षले वार्तामार्फत आपसी सम्बन्धको सुधार गर्नुका साथै मेलमिलाप र सहयोगलाई अघि बढाउनसक्ने आशा चीनले गर्दैआएको कुरा बताउनुभयो।

         प्रवक्ता च्याङ्ग युका अनुसार, कोरियाली प्रायद्बीपको शान्ति र स्थिरताको संरक्षण गर्नु प्रायद्बीपका दक्षिणी र उत्तरी दुवै पक्षका साझा हितसँग अनुकुल रहेको छ।

          हाल सम्बन्धित पक्षहरुको साझा प्रयासमार्फत कोरियाली प्रायद्बीपको आणविक समस्यासम्बन्धी छ पक्षीय वार्तामा महत्वपूर्ण प्रगति प्राप्त भएको कुरा पनि प्रवक्ता च्याङ्ग युले औंल्याउनुभएको छ।