 काठमाडौँको मीनभवनमा निर्मित निजामति सेवा अस्पतालले यही फेब्रुअरी महिनाभित्रकार्य सुरु गर्ने भएको छ। चिनियाँ सहयोगबाट बनेको यो अस्पताल एक सय 32शैयाको रहेको छ।
अस्पतालका निर्देशक डाक्टर बिमल थापाका अनुसार आन्तरिक रुपमा अस्पतालको सेवा सुरुगर्नका लागि तीन चरणमा तयारी हुँदैछ। पहिलो चरणा आधारभूत बहिरङ्ग सेवासञ्चालन हुनेछ। यस सेवा अन्तर्गत सामान्य चिकित्सा, शल्य चिकित्सा, स्त्रीरोग,हाडजोर्नी, बालबच्चा सम्बन्धी रोग तथा प्रयोगशाला सेवा रहनेछन्। दोस्रो चरणमाबहिरङ्ग सेवा सञ्चालनमा आएका बिभागलाई अन्तरङ्गमा राखिनेछ र दाँच, नाक, कान,घाँटी, छाला तथा अन्य क्षेत्रमा बहिरङ्ग सेवा सञ्चालन गरिनेछ। त्यसैगरी तेस्रोचरणमा मुटु तथा नसाका बारेमा विशिष्ट सेवा प्रदान गरिनेछ।
चीन सरकारको सहयोगमा बनेको निजामति सेवा अस्पताल एउटा स्वायत्त संस्था हो ।अस्पतालमा चिनियाँ सहयोगबाट प्राप्त भएका उपकरणहरु सञ्चालन गर्नका लागि विशेषज्ञानको आवश्यकता पर्ने भएकाले चीनबाट प्राविधि टोली आउन लागेको पनि अस्पतालकानिर्देशक डा. थापाले बताउनुभयो। अहिले अस्पतालले प्राविधिक कर्मचारीहरुकोछनोटका लागि परीक्षा लिइसकेको छ भने प्रशासनिक कर्मचारीहरु पदपूर्तिका लागिपरीक्षाका क्रममा रहेका छन्। सबै कुराको व्यवस्था भएपछि यही फेब्रुअरी महिनाभित्रैअस्पतालको सेवा सञ्चालनमा आउने पनि डा. थापाले बताउनुभयो।
नेपालको सरकारको सेवामा रहेका निजामति कर्मचारीहरुका लागि अस्पतालले विशेषसेवा प्रदान गर्नेछ। निजामति कर्मचारीहरुका लागि अस्पताल चिनियाँ उपहार भए पनिअस्पतालले सर्वसाधारणलाई पनि सेवा प्रदान गर्नेछ ।
चेतनाथ आचार्य
सि.आर.आई.
काठमाडौँ
|
