चीनका सहायक विदेशमन्त्री हु चेङ्कुईले यही हप्ता नेपालको भ्रमण गर्नुहुने भएकोछ
(GMT+08:00)
2009-02-24 19:19:43
चिनियाँ सहायक विदेशमन्त्री हु चेङ्कुईले नेपालको तीनदिने भ्रमण गर्नुहुनेभएको छ । परराष्ट्र मन्त्रालयको चिनियाँ डेक्सका अधिकारी मणिरत्न शर्मालेसि.आर.आई.लाई बताउनु भए अनुसार चिनियाँ सहायक विदेशमन्त्री आगामी 25 तारिखबुधबार नेपाल आइपुग्नुहुनेछ । उहाँ तीन दिनसम्म नेपालका उच्च राजनीतिकअधिकारीसँगको भेटघाटमा रहनुहुनेछ । नेपाल भ्रमणका बेला चिनियाँ सहायक विदेश मन्त्री हुले राष्ट्रपति डा. रामवरण यादवतथा प्रधानमन्त्री पुष्पकमल दाहाल प्रचण्डसँग भेट गर्नुहुनेछ । त्यसैगरी उहाँले सरकारमारहेका उच्च मन्त्रीहरुलाई पनि भेट गर्ने कार्यक्रम रहेको शर्माले बताउनुभयो । नेपालमा विकसित शान्ति प्रक्रिया, नयाँ संविधान निर्माण तथा चिनियाँ सहयोगकाबारेमा कुराकानी हुने परराष्ट्र मन्त्रालयले बताएको छ । नेपाल र चीनबीचमा जनस्तरमापनि गहिरो सम्बन्ध स्थापना भएको छ । चीनले सबैभन्दा धेरै आर्थिक सहयोग गरेकाराष्ट्रमा उत्तर कोरियापछि दोस्रो स्थानमा नेपाल परेको छ । नेपालको बदलिएकोराजनीतिक परिस्थितिमा पनि चिनियाँ सहयोग जारी राख्ने चिनियाँ पक्षबाट व्यक्त हुँदैआएको छ । चिनियाँ सहायक विदेशमन्त्री हुको नेपाल भ्रमणका समयमा नेपाललाई प्राप्त हुनेचिनियाँ सहयोगका अतिरिक्त नेपालको भूमिबाट हुने चीन बिरोधी गतिविधिका बारेमापनि छलफल हुने भएको छ । चालु वर्ष नयाँ चीन स्थापनाको साठीऔं वर्षगाँठ रचीनको तिब्बत दासत्ताबाट मुक्त भएको पचासौँ वर्षगाँठ हो । गतवर्षको मार्चदेखि नेपालमा दलाइ गुटले नेपाल र चीनबीचको मैत्री सम्बन्धमा आँचपुग्ने खालका गतिविधि गरेकोमा चीनले त्यसमा चिन्ता प्रकट गरेको छ भने नेपालसरकारले त्यस्ता गतिविधि हुन नदिन कडा नीति लिने बताएको छ ।
