नमस्कार एवम् हार्दिक अभिवादन ।

          चिनियाँ जनराजनीतिक परामर्शदात्री सम्मेलन एघारौं राष्ट्रिय समितिको दोस्रो वार्षिक अधिवेशन हिजोबाट पैचिङ्गस्थित जनबृहत सभाभवनमा सुरु भएको छ भने चिनियाँ राष्ट्रिय जनकाँग्रेस एघारौं राष्ट्रिय समितिको दोस्रो वार्षिक अधिवेशन भोलि सुरु हुँदैछ । सीआरआई नेपाली विभागमार्फत् यी दुबै वार्षिक अधिवेशनहरुको सफलताका लागि मेरो ब्यक्तिगत तर्फबाट र मेरो श्रोता क्लवको तर्फबाट हार्दिक शुभकामना दिन चाहन्छु ।

          विद्यमान विश्व आर्थिक संकटले विश्व ब्यापार र विश्वका जनताको दैनिक जीवनमा प्रत्यक्षरुपमा असर पारेको छ । आर्थिक, राजनीतिक, सामाजिक आदि क्षेत्रमा विश्वको मुख्य शक्तिकेन्द्र बन्दै गइरहेको चीनमा पनि यसको प्रभाव परेको छ । त्यसैले यो विश्व आर्थिक संकटबाट चीनमा परेको असर र उक्त असरलाई कम पार्न चीनले अगाडि सार्नुपर्ने नीति र कार्यक्रम तर्जुमा गर्ने दिशामा यी दुई वटा अधिवेशन केन्द्रित हुनेछन् भन्ने कुरामा हामी विश्वस्त छौं ।

          त्यसैगरी चीनको एघारौं पञ्चवर्षीय योजनाको यो अन्तिम वर्ष पनि हो । सन् द्दण्ण्ट मा सुरु भएको यो एघारौं पञ्चवर्षीय योजनाले तय गरेका लक्ष्यहरु हासिल गर्नका लागि अझै एक वर्षको समय बाँकी रहेको छ । र, एक वर्षमा के कस्ता कार्यक्रमहरुलाई प्राथमिकता दिनुपर्छ भन्ने कुरामा पनि अधिवेशन केन्द्रित हुनेछन् भन्ने हामीलाई लागको छ । सँगसँगै, विश्व आर्थिक संकटको सामना गर्न, चीनको तीब्र आर्थिक विकासलाई निरन्तररुपमा अगाडि बढाउन र मुलुकमा सामाजिक सद्भाव कायम राखिराख्न अवलम्बन गर्न गरिनुपर्ने नीति र कार्यक्रम तयार पार्न दुबै अधिवेशन सफल होउन् भन्ने शुभकामना पनि दिन चाहन्छौं ।

          यी दुबै अधिवेशनका बारेमा नेपाली विभागले समाचार, समाचार सन्दर्भ लगायतका कार्यक्रममार्फत ताजाताजा जानकारी दिइरहेको छ । यसका लागि नेपाली विभागका अधिकारीहरुले गरेको अथक प्रयासको हामी उच्च मुल्याङ्कन गर्न चाहन्छौं र मुरामुरी धन्यवाद दिन चाहन्छौं ।

शिव पौडेल, अध्यक्ष

ऋषिराम चापागाईं, कार्यालय सचिव

सी आर आई श्रोता कुञ्ज

दुलेगौंडा-ठ, तनहुँनेपाल