एघारौं चिनियाँ राष्ट्रिय जन काँग्रेसको दोस्रो अधिवेशनले आज बिहान पैचिङ्गमा पत्रकार सम्मेलनको आयोजना गर्‍यो। चीनका परराष्ट्र मन्त्री याङ्ग चे छले चीनको कूटनैतिक नीति र वैदेशिक सम्बन्धबारे देश र विदेशका पत्रकारद्बारा सोधिएको प्रश्नको जवाफ दिनुभयो।

          श्री याङ्गले गत वर्ष चीनको परराष्ट्र मामिलामा प्राप्त टडकारो उपलब्धिको निचोड निकाल्नुका साथै यस वर्ष चीनको परराष्ट्र मामिलासम्बन्धी चारवटा महत्वपूर्ण विषयबारे पनि जानकारी दिनुभयो।

           अन्तर्राष्ट्रिय बैंकिङ्ग संकटबारे चर्चा गर्दै श्री याङ्गले विभिन्न मुलुकहरुसँग हातमा हात मिलाएर संयुक्त रुपमा संकटको सामना गर्न चीन इच्छुक रहेको कुरा औंल्याउनुभयो।

         यसबाहेक, श्री याङ्गले मौसम परिवर्तन र चीन तथा यूरोप बीचको सम्बन्ध आदि विषयबारे पत्रकारहरुको प्रश्नको पनि जवाफ दिनुभएको छ।