नेपालको अशल छिमेकी राष्ट्र चीनका सर्वोच्च आधिकारिक दुई संस्थाका नियमित अधिवेशनलाई विशेष चासोका साथ नेपालीहरुल हेरेका छन्। यही मार्चको 3 तारिख सुरु भएको चिनियाँ जनराजनीतिक परामर्शदात्री सम्मेलनको वाषिक नियमित अधिवेशन तथा 5 तारिख सुरु भएको चिनियाँ राष्ट्रिय जनकंग्रेसको वाषिक नियमित अधिवेशनको सफलताको शुभकामना दिँदै आर्थिक मन्दीबाट चीनलाई जोगाएर समृद्ध राष्ट्र बनाउन मन्तव्य दिइएको छ।

          सि.आर.आई. श्रोता क्लबहरुको राष्ट्रिय परिषद नेपालका संस्थापक अध्यक्ष तथा वर्तमान प्रमुख सल्लाहकार प्रकाशबाबु पौडेल नेपाल चाइना फ्रेण्डशीप युथ एसोसिएनका संस्थापक अध्यक्ष तथा चीन अध्ययन केन्द्रका सचिव पनि हुनुहुन्छ। उहाँले सि.आर.आई.सँग कुरा गर्दै दुवै अधिवेशनको भव्य सफलताको कामना व्यक्त गर्नु भएको छ। चीनको आर्थिक विकास र प्रगतिले विश्वलाई आश्चर्यचकित बनाएको उल्लेख गर्दै अहिले विश्व्मा देखिएको आर्थिक मन्दीबाट चीनलाई जोगाउनका लागि यी अधिवेशनले कोषेढुङ्गाको कामन गर्ने विश्वास पनि प्रकट गर्नु भएको छ।

          त्यसैगरी नेपाल चीन कार्यकारी परिषदका अध्यक्ष अनुपरन्जन भट्टराईले विज्ञान र प्रविधिमा चीनले गरेको प्रगतिले चिनियाँ जनतालाई सफलताको शिखरमा पुर्‍याएको बताउँदै अहिले चीनका दुई ठूला अधिवेशनलाई विश्वले उत्साहपूर्वक हेरिरहेको खुलासा गर्नुभयो।

          सि.आर.आई. श्रोता क्लबहरुको राष्ट्रिय परिषद नेपालका प्रचार विभाग प्रमुख हुमबहादुर खड्‍काले महान् चिनियाँ जनता, चिनियाँ राष्ट्रपति तथा चिनियाँ प्रधानमन्त्रीलाई अहिले विश्वमा देखिएको आर्थिक संकटका विरुद्ध लड्‍ने क्षमताको विकास होस्‍ भन्दै सफलताको शुभकामना दिनु भएको छ।

चेतनाथ आचार्य

सि.आर.आई.

काठमाडौँ