चिनियाँ वाणिज्य मन्त्री छन् त मिङले आज पैचिङमा भइरहेको चिनियाँ राष्ट्रिय जन काँग्रेसको वार्षिक अधिवेशनमा बोल्दै व्यापारिक संरक्षणवादको चीनले कडा शव्दमा विरोध गरेको कुरा वताउनुभयो। उत्पादित बस्तुको व्यापार गर्न विद्यमान अवरोध हटाउने उद्देश्य लिने विश्वको बहुपक्षीय व्यापारिक वार्ता दोहा वार्ताको प्रक्रियालाई सक्रियताका साथ अघि बढाउन चीन इच्छुक रहेको कुरा पनि श्री छन् त मिङले वताउनुभयो।

         श्री मिङका अनुसार, एउटा मुलुकले विशेष बैंकिंग संकटको सामना गर्दा केही समयमा तथा केही परिधिमा उचित व्यापारिक संरक्षण गर्ने छुट दिइएको छ। तथापि जुनसुकै परिस्थितिमा यस तरिकाको प्रयोग गर्नु व्यापारिक संरक्षणवाद हो। अन्तर्राष्ट्रिय सहयोगलाई सबल पार्नुपर्ने तथा बहुपक्षीय तथा संयुक्त रुपमा पालना गर्ने नियममार्फत विश्वको व्यापारिक विकासलाई अघि बढाउनुपर्छ।