चिनियाँ वाणिज्य मन्त्री छन् त मिङले आज पैचिङमा भइरहेको चिनियाँ राष्ट्रिय जन कांग्रेसको वार्षिक अधिवेशनमा बोल्दै शक्तिशाली चिनियाँ व्यवसायले विदेशी व्यवसायलाई सहयोग गर्ने, विदेशका लागि परियोजना ठेक्कामा लिने, चिनियाँ व्यवसाय "बाहिर जाने" लगायत पक्षमा कसरी विकास गर्ने भन्ने विषयबारे अनुसन्धान गरिरहेको कुरा बताउनुभयो।

         उहाँका अनुसार, उहाँको नेतृत्वमा चीनको व्यापरिक दलले हालै पश्चिम युरोपका चार मुलुकको भ्रमण गर्दा कतिपय मुलुकहरुले चीनसमक्ष धेरै परियोजना तथा व्यवसायहरु प्रस्तुत गरी चीनसँग सहयोग गर्नसक्ने आशा व्यक्त गरेका छन्। त्यसप्रति चीनले निकै सकारात्मक धारणा लिएको छ। चीनले विदेशलाई सहायता पुर्‍याउने परिमाणलाई समुचित रुपमा बढाएर व्यापार तथा लगानीलाई अरु सुविधाजनक पार्नका लागि अध्ययन गर्नेछ।

         केही मुलुकले अन्तर्राष्ट्रिय व्यापारमा चीनले व्यापारिक नाफालाई मात्र महत्व दिएको भन्ने कथित् भनाइ गलत रहेको कुरा पनि श्री छन् त मिङले बताउनुभयो।