उत्तर कोरियाले हालै सार्वजनिक गरेको उपग्रह प्रक्षेपण गर्ने सम्बन्धमा चीनका परराष्ट्र मन्त्रालयका प्रवक्ता मा छाउ स्युले चर्चा गर्दै भन्नुभयोः सम्बन्धित विभिन्न पक्षले कोरियाली प्रायःद्बीपको शान्ति तथा स्थिरताको संरक्षणका लागि हितकर हुने काम गर्ने आशा चीनले लिएको छ।

          उहाँले आज पैचिङ्गमा आयोजित नियमित पत्रकार सम्मेलनमा पत्रकारद्बारा सोधिएको सम्बन्धित प्रश्नको जवाफ दिँदा उक्त कुरा भन्नुभएको हो।

          थाहा भएअनुसार, उत्तर कोरियाली केन्द्रीय समाचार समितिले जनाए अनुसार, उत्तर कोरियाले युन्हा दुई नामक रकेटद्बारा क्वाङम्युङसोङ दुई नामक परीक्षात्मक दूर-सञ्चार उपग्रहको प्रक्षेपण गर्न तयार गरिरहेको छ। उत्तर कोरियाले अन्तर्राष्ट्रिय समुद्र संगठन तथा अन्तर्राष्ट्रिय नागरिक उड्डयन संगठन लगायतका अन्तर्राष्ट्रिय संस्थासँग उपग्रहको प्रक्षेपण योजनाबारे जानकारी दिएको छ।