चिनियाँ राष्ट्रिय जन काँग्रेसको तिब्बती प्रतिनिधि मण्डलले हिजो अमेरिकाको न्यूयोर्कमा प्रवासी र वैज्ञानिक क्षेत्रका व्यक्तिहरु तथा तिब्बती जातिका देशबन्धुहरुसँग गोष्ठीको आयोजना गरेको छ। गोष्ठीमा प्रतिनिधि मण्डलका सदस्यले प्रजातान्त्रिक सुधार लागू भएका पचास वर्षयता तिब्बतमा देखापरेका ऐतिहासिक परिवर्तनबारे जानकारी दिनुका साथै तिब्बतको आर्थिक र सामाजिक विकाससम्बन्धी विभिन्न क्षेत्रका व्यक्तिहरुद्बारा प्रस्तुत राय-सुझावको पनि सुनुवाई गरेका छन्।

          प्रतिनिधि मण्डलका प्रमुख, राष्ट्रिय जन कांग्रेसका प्रतिनिधि एवम् तिब्बत स्वायत्त प्रदेशको जन कांग्रेस स्थायी समितिका उपाध्यक्ष अवतारी सिन्गसा तेन्जिचोद्राकले बोल्दै प्रजातान्त्रिक सुधार लागू भएपछि तिब्बतको अर्थतन्त्र तीव्र गतिले विकसित हुनुका साथै जनताको जीवन-स्तर पनि लगातार रुपमा माथि उठ्दैगएको जानकारी दिनुभयो।

           उक्त गोष्ठीमा सहभागी भएका प्रवासी र वैज्ञानिक क्षेत्रका व्यक्तिहरु र तिब्बती जातिका देशबन्धुहरुले तिब्बती प्रतिनिधि मण्डलको यस अमेरिका-भ्रमण ज्यादै आवश्यक रहेको ठहर गरेका छन् ।