अमेरिकाको भ्रमणमा रहेको चीनको तिब्बती प्रतिनिधि मण्डल र अमेरिकाका मुख्य संचार माध्यमको सल्लाहकार संस्थाबीच चौबीस तारिख न्यूयोर्कमा सुमधुर आदान प्रदान भएको छ।
थाहा भएअनुसार सोही दिन मध्यान्हमा चिनियाँ सामाजिक विज्ञान प्रतिष्ठानअन्तर्गत जातीय तथा मानवशास्त्र अध्ययन प्रतिष्ठानका प्रमुख एवम् तिब्बती इतिहास र संस्कृति अध्ययन केन्द्रका प्रमुख हाउ श् युआन प्रमुख रहनुभएको चीनको तिब्बती प्रतिनिधि मण्डलले अमेरिकाको कोलम्बिया ब्रोडकाष्टिंग सिस्टम सी. बी एस.को भ्रमण गरेको थियो। सी. बी. यस.ले प्रतिनिधि मण्डलको आगमनलाई निकै महत्व दिएको छ।
त्यसपछि प्रतिनिधि मण्डलले अमेरिकी पूर्व पश्चिम अध्ययन प्रतिष्ठानको भ्रमण गरी सो प्रतिष्ठानका विद्बानहरुसित वार्ता गरेको थियो। दुवै पक्षले यस्ता वार्ताबाट भ्रम हटाउन र समझदारी बढाउन हितकर हुने ठहर लिएका छन्।
|