जनवादी गणतन्त्र चीनका लागि प्रथम सचिव, काउन्सेलर, मिनिष्टर, चीन विज्ञ एवं पूर्व राजदुत निरञ्जन भट्टराईले नेपाल र चीनबीचको सम्बन्ध समस्या रहित सम्बन्धको रुपमा रहेको र यो सम्बन्ध विश्वका धेरै राष्ट्रहरुका लागि अनुकरणीय हुने बताउनु भएको छ। सि.आर. आई सँग आज संक्षिप्त कुराकानी गर्नुहुदै चीन विज्ञ एव. पूर्व राजदुत निरञ्जन भट्टराईले झण्डै 6 हजार वर्षको सभ्य इतिहास भएको चीनले गल्ती नदोहोर्‍याउने, फाइदालाई उपयोग गर्ने, आत्मनिर्भर हुन सके सम्म प्रयास गर्ने र इतिहास, ज्ञान लाई उच्च महत्व दिएको कारणले नै आज चीनले आश्चर्यजनक विकास गर्न सकेको बताउनुभयो।

          2062/063 को ऐतिहासिक जनआन्दोलन पश्चात स्थापित भएको लोकतान्त्रिक प्रणालीले नेपालमा पनि चीनमा जस्तै दुनीयावादी शासन रहेको बताउनु हुदै पूर्व राजदुत निरञ्जन भट्टराईले सदियौं देखि अत्यन्त प्रगाढ मीत्रका रुपमा रहेका 2 देशवीचको सम्बन्ध आगामी दीनमा अझ प्रगाढ हुने विश्वास व्यक्त गर्नुभयो।

          संयुक्त राष्ट्रसंघमा चीनको प्रवेशका लागि नेपालले तत्कालिन अवस्थामा पूर्याएको महत्वपूर्ण सहयोग, तिब्बत र ताइवान मामीलामा चीनलाई गरेको उच्च समर्थन र नेपालको विकास निर्माणमा चीनले पूर्‍याउदै आएको सहयोगबाट 2 देशका जनताले एकलाई अप्ठ्‍यारो पर्दा अर्काले सहयोग गर्ने परम्परालाई निरन्तरता दीएको पूर्व राजदुत निरञ्जन भट्टराईले बताउनु भयो। जीवनको महत्वपूर्ण समय नेपाल चीन सम्बन्धको सुद्धढीकरणमा समर्पित गर्नुभएका 82 वर्षीय चीन विज्ञ निरञ्जन भट्टराईले, आङ्गलो नेपाली डिक्सनरी, चीन र त्यससित नेपालको सम्बन्ध, नेपाल चीन सम्बन्ध, तेन्जीङ्ग शेर्पा, लोकलयका गीत, कविता गरी झण्डै 1 दर्जन पुस्तक नेपाली, हिन्दी र चीनीयाँ भाषामा प्रकाशित गर्नुभएको छ।

रमेशकुमार भट्टराई

सि.आर.आई.

काठमाण्डौं