आगमी मे 2 तारिख शुक्रबारदेखि उहाँले एक साताका लागि नेपालको छिमेकी मित्रराष्ट्र चीनको भ्रमण गर्ने कार्यक्रम तय भएको थियो । मुलुकमा उत्पन्न असहज अवस्था हेरी भ्रमण स्थगन गरिएको शर्माले जानकारी दिनुभयो । यस बारेमा गत शनिबार नै प्रधानमन्त्री प्रचण्डले नेपालका लागि चिनियाँ राजदूत छ्वु कोहोङ्गलाई प्रधानमन्त्री निवासमा बोलाएर जानकारी गराउनु भएको पनि शर्माले बताउनुभयो ।

         नेपालले चीनसँगको सम्बन्धलाई अत्यन्त महत्व दिएको र प्रधानमन्त्री प्रचण्डको चीन भ्रमण आवश्यक भएको बताउँदै सल्लाहकार शर्माले अहिले नेपालमा देखिएको समस्या समाधान हुनासाथ प्रधानमन्त्री प्रचण्डले चीनको भ्रमण गर्नुहुनेछ ।

          प्रधानमन्त्रीको चीन भ्रमणबाट नेपाललाई थुप्रै फाइदा हुने उल्लेख गर्दै प्रधानमन्त्रीका प्रेस सल्लाहकार आमे शर्माले भन्नुभयो "नेपालको जलविद्युत क्षेत्रमा चिनियाँ लगानी भित्र्याउन तथा सहयोगलाई वृद्धि गर्नका लागि प्रधानमन्त्री प्रचण्डको चीन भ्रमण महत्वपूर्ण हुनेछ ।" त्यही भएर नै प्रधानमन्त्री प्रचण्डले चीनको उहान प्रान्तमा रहेको विश्वकै ठूलो तीन घाँटी जलविद्युत परियोजनाको अवलोकन समेत गर्ने कार्यक्रम समावेश गरिएको उहाँले उल्लेख गर्नुभयो ।

           चेतनाथ आचार्य

           सि.आर.आई.

           काठमाडौँ