लामो समयदेखि चिनियाँ प्रविधि प्रयोग गर्दै आएको नेपाल टेलिकमले केही इन्जिनियरहरुलाई विशेष तालिम लिन चीन पठाउने भएको छ। यही मे महिनाको 15 तारिखदेखि 29 तारिखसम्म चीनको राजधानी पेइचिङ्गमा हुने प्राविधिक तालिममा टेलिकममा कार्यरत 12 जना इन्जिनियरहरुले भाग लिनेछन्।

          टेलिकमका प्रवक्ता सुरेन्द्र थिकेले सि.आर.आई.लाई बताउनु भए अनुसार टेलिकमले नेपालमा प्रयोगमा ल्याउन लागेको नयाँ प्रविधिका बारेमा जानकारी गराउनका लागि इन्जिनियरहरु तालिममा जान लागेका हुन्। दुईजना वरिष्ठ इन्जिनियरसहति 12 जना इन्जिनियरहरुले टेलिकमले प्रयोगमा ल्याउने नयाँ प्रविधिको जडान, मर्मत तथा एयरकण्डिसनको बारमो दुई हप्ते तालिम लिएर टेलिकमका अन्य प्राविधिकलाई सिकाउने प्रवक्ता थिकेले बताउनुभयो।

          नेपाल टेलिकमले मोबाइल सेवा तथा सि.डि.एम.ए. सेवामा चिनियाँ प्रविधि प्रयोग गर्दै आएको छ। चिनियाँ सहयोगमै काठमाडौँ तातोपानी खण्डमा ओछ्‍याउने कार्य पनि गतवर्षमै सम्पन्न गरिसकेको छ। टेलिकमले गुणस्तर सुधार गर्नका लागि अब अत्याधुनिक प्रविधि भित्र्‍याउन लागेको प्रवक्ता थिकेले बताउनुभयो।

चेतनाथ आचार्य

सि.आर.आई.

काठमाडौँ