आदरणीय नेपाली विभागका प्रमुख वर्षा ज्यू,
तथा अन्य मित्रजनहरु,
नमस्कार ।
पत्रिकाको अन्तिम पृष्ठमा नेपाली विभागबाट प्रशारण हुने कार्यक्रमको समयसारिणीका अलावा अन्य केही सामग्री पनि समावेश गर्न सकिन्छ की । यो पृष्ठमा लगभग आधा पृष्ठ खाली रहेको देखिन्छ । पृष्ठ नं. 14 लाई पनि मिलाएर राख्ने हो भने अर्को कुनै स(सानो सामग्री राख्न सकिन्थ्यो की । आगामी अहरुमा ध्यानदिनु पर्ला भन्ने हार्दिक अनुरोध छ ।
पत्रिकाको हरेक अमा श्रोताहरुले पठाएका कविता, मुक्तक, गजल जस्ता छोटा-छोटा सामग्रीलाई स्थान दिंदा राम्रो नै हुन्छ होला भन्ने लाग्छ ।
पत्रिकाको हरेक पेजको तल्लो भागमा चर्चित चिनिया उखानटुक्का, महान व्यक्तिहरुका भनाई तथा उद्धरणहरु राख्न सक्ने हो भने पत्रिकालाई अझ धेरै उपयोगी बनाउन सकिन्छ । यसबाट हामी श्रोताहरु चीनमा प्रचलनमा रहेका महत्वपूर्ण भनाईहरुबाट केही सिक्न र जान्न अवसर पाउने थियौं । आगामी अबाट यसकुराको थालनी गरियोस् भन्ने विनम्रतापूर्वक आग्रह गर्दछु ।
ठाउँ पुगेसम्म छोटा चिनिया कथाहरु, जुन जीवनोपयोगी हुन्छन् तिनलाई पनि सकेसम्म पत्रिकामा समेट्न सके आम नेपाली श्रोताहरुले त्यसबाट लाभ लिन सक्ने थिए ।
चिनिया भाषा सिकाउने भाग यसपटको अमा हराएको छ । छोटा र धेरैजसो चलनचल्तीमा आइरहने चिनिया शब्दहरुलाई थोरै स्थान दिएर भएपनि राख्नु जाती हुन्छ की ।
छपाईको गुणस्तर निकै राम्रो छ । यो अङ्गमा समावेश भएका सामग्रीमा भाषिक त्रुटीहरु पनि ज्यादै कम रहेको पाइन्छ । निर्देशकज्यूको शुभकामना सन्देश र अन्तिम भित्री पृष्ठको श्रोताको पत्रमा केही छिटफुट त्रुटी, असुद्धि र केही शब्दहरु दोहोरिएको बाहेक अरु सामग्रीहरुको संयोजन उत्कृष्ठ देखिन्छ ।
जेहोस्, पहिलेको भन्दा मितेरी-पुलले आफूलाई झन् भन्दा झन् सिंगारेर दुलही जस्तै सुन्दरी र आकर्षक बनाएको छ । पत्रिकालाई यति धेरै राम्रो र चित्ताकर्षक बनाउन लागिपर्नुभएका निर्देशक तथा नेपाली विभागका प्रमुख वर्षाजी, सम्पादक केशरी मैयाजी र सह-सम्पादक ललिताजीलाई मुरीमुरी धन्यवाद दिनुनै पर्दछ । साथमा नेपाली विभागका सबै पदाधिकारीहरुलाई पनि हार्दिक धन्यवाद । श्रोता मित्रहरुलाई पनि साधुवाद टक्राउ"दछु, जसले विभिन्न सामग्री पठाएर पत्रिकालाई सहयोग गरिरहनु भएको छ । आगामी दिनमा पनि सबैको सद्भाव र सहयोगले मितेरी-पुल अझै फस्टाउँदै र झँङ्गिदै जानसकोस्, हार्दिक शुभकामना व्यक्त गर्दछु । नेपाल-चीन मैत्री अमर रहोस् । धन्यवाद ।
राजेन्द्र पहाडीरेडियो कार्यक्रम
मोनिटर सीआरआई नेपाली विभाग
मैत्रीचोक 4, कुश्मा, पर्वत नेपाल
|