|
सन् 1952 अक्टोबर 24 तारिका दिन नेपालको पूर्वी जिल्ला इलामको सुन्दर ठाउँ नयाँबजारमा जन्मनुभएका चेतनाथ आचार्य सन् 1985 रेडियो पैचिंग (हालको सि.आर.आई) को नियमित श्रोताका रुपमा कार्यक्रम सुन्न र पत्राचार गर्न सुरु गर्नुभएको हो । इलामबाट आफ्नो माध्यमिक तहको अध्ययन सिध्याएर उच्च शिक्षाको अध्ययन गर्ने क्रममा सन् 1991 मा उहाँ नेपालको राजधानी काठमाडौँ आउनुभयो । आफ्नो क्याम्पस तहको अध्ययनसँगै उहाँले सि.आर.आई. नेपाली सेवाका कार्यक्रम सुन्ने र पत्राचार गर्ने कामलाई निरन्तरता दिनुभयो । उहाँ सन् 1996 मा स्थापित सि.आर.आई. श्रोता क्लबहरुको राष्टि्रय परिषद नेपालको संस्थापक केन्द्रीय सदस्य हुनुभयो । त्यसपछि सचिव हुँदै केन्द्रीय अध्यक्ष भइसक्नु भएका आचार्य हाल राष्टि्रय परिषादका सल्लाहकार हुनुहुन्छ । उहाँ नेपाल चाइना फ्रेण्डशीप युथ एसोसिएसनका संस्थापक सचिव तथा वर्तमान महासचिव पनि हुनुहुन्छ । उहाँले थुप्रैचोटी चीनको भ्रमणा गरिसक्नु भएको छ ।पत्रकारिता विषयमा स्नात्तकोत्तर गर्नु भएका चेतनाथ आचार्य विगत एक दशकदेखि पत्रकारिता पेशमा सक्रिय हुनुहुन्छ । उहाँ काठमाडौँका विभिन्न क्याम्पसहरुमा पत्रकारिता विषायको प्राध्यापन कार्यमा पनि संलग्न हुनुहुन्छ । उहाँ सन् 2006 को सेप्टेम्बर 1 तारिखदेखि सि.आर.आई. नेपाली सेवाको संवाददातामा नियुक्ति हुनु भएको हो ।
उहाँ हाल काठमाडौँको गौशालामा बस्नुहुन्छ । उहाँको सम्पर्क ठेगाना यस प्रकार रहेको छ ।
चेतनाथ आचार्य
पो.ब.नं. 21261, काठमाडौँ, नेपाल
फोन नं. 00977-1-4466702
मोबाइल नं. 00977-9841305425
इमेल : chetnath@enet.com.np
वेभसाइट : www.chetnath.com.np
|
