|
सि.आर.आई. श्रोता क्लबहरुको राष्टि्रय परिषद नेपालको निमन्त्रणामा चिनियाँ अन्तर्राष्टि्रय रेडियो सि.आर.आई.को एक प्रतिनिधिमण्डलले नेपालको भ्रमण गर्ने भएको छ । आगामी जुलाई 30 तारिखदेखि अगष्ट 3 तारिखसम्म चिनियाँ प्रतिनिधिमण्डलको नेपाल भ्रमणको अवसर पारेर नेपालमा दुईवटा कार्यक्रमहरु आयोजना हुने भएका छन् ।
नेपाल भ्रमणमा आउने चिनियाँ प्रतिनिधिमण्डलमा सि.आर.आई. नेपाली विभागका उपप्रमुख, सि.आर.आई. सिंहाली विभागका प्रमुख र सि.आर.आई. विदेश विभागका सचिव सहभागी हुनुहुने सि.आर.आई. श्रोता क्लबहरुको राष्ट्रिय परिषद नेपालका प्रमुख सल्लाहकार प्रकाशबाबु पौडेलले बताउनुभयो ।
मुलत: सुनसरी जिल्लाको इटहरीमा स्थापित कन्फ्युसियस् इन्स्टिच्युटको उद्घाटन कार्यक्रममा सहभागी हुन आउने चिनियाँ प्रतिनिधिमण्डलले काठमाडौँमा आयोजना हुने एक अन्तर्क्रिया कार्यक्रममा पनि भाग लिनेछ । नेपाल चाइना फ्रेण्डशीप युथ एसोसिएसन र सि.आर.आई. श्रोता क्लबहरुको राष्टि्रय परिषद नेपालले संयुक्त रुपमा काठमाडौँमा नेपाल चीन सम्बन्धका 54 वर्ष र सि.आर.आई.को भूमिका विषयमा एक अन्तर्क्रिया कार्यक्रममा आयोजना गर्ने भएका छन् ।
त्यसैगरी नेपाल चीन जनमैत्री परिषदले सि.आर.आई. सँग मिलेर स्थापना गरेको कन्फ्युसियस् इन्स्टिच्युटको उद्घाटन समारोहमा चिनियाँ प्रतिनिधिमण्डल अगष्ट २ तारिख सहभागी हुनेछ ।
थाइल्याण्डको बैंककबाट काठमाडौँ आउने चिनियाँ प्रतिनिधिमण्डल अगष्ट 3 तारिखका दिन सोही बाटो भएर चीन फर्कनेछन् ।
चेतनाथ आचार्य
सि.आर.आई.
काठमाडौँ
|
