नेपाली विभागका चिनिया कार्यक्रम संचालन तथा उद्घोषकहरुले नेपाली भाषामा थप निखार ल्याउँदै प्रष्ट र शुद्ध उद्घोषण क्षमता बृद्धि गर्नुपर्ने ।

          नेपाली विभागबाट श्रोताका लागि पठाइने पि्रन्टेड पत्रहरु भाषागत रुपमा शुद्ध र आकर्षक हुनुपर्ने ।

          कार्यक्रम प्रशारणको कूल समयावधीमा सकेसम्म धेरै नयाँ र प्रभावकारी कार्यक्रमहरु प्रशारण गर्न जोड दिनुपर्ने ।

          नेपाली संगीतको कार्यक्रमलाई सकेसम्म नेपालका सबै जाति र क्षेत्रको गीत संगीत समावेश हुन सक्ने गरी समावेशी बनाउनु पर्ने ।

          श्रोताको पत्रहरुको जवाफ जतिसक्दो चाँडो दिने व्यवस्था मिलाउनु पर्ने ।

           नेपालको राजनैतिक, सामाजिक, आर्थिक लगायतका विषयवस्तुमा आधारित समाचारलाई हरेक दिनको कार्यक्रममा समावेश गरिनु पर्ने तथा समाचार सन्दर्भमा पनि नेपाल सम्बन्धी सवालहरुलाई स्थान दिइनु पर्ने ।

            चीनका महिला र स्वास्थ्य कार्यक्रमबाट धेरै नेपाली आमा दिदीबहिनीहरुले फाइदा लिइरहेकाछन्, यसलाई अझ उपयोगी सामग्री सहित व्यवस्थित गरिनुका साथै नियमित बनाइनु पर्दछ ।

             समसामयिक विषयमा श्रोताहरुको प्रत्यक्ष टिप्पणी प्रशारण गर्ने व्यवस्था गर्न सके झनै राम्रो हुन सक्दछ । यसका लागि नेपाली विभागले सबै श्रोताहरुलाई आमन्त्रण गर्न सक्दछ यसरी, ''तपाई नेपालका समसामयिक सवालहरुमा टिप्पणी गर्न चाहानुहुन्छ ? हामी तपाईलाई स्थान दिन्छौं ।

            नेपालमा रहेका समाचारका अम्मलीहरुलाई आकर्षित गर्न सक्ने समाचार तथा अन्य सामग्री संयोजन नेपाली विभागको प्राथमिक कार्यसूचि बन्नु उपयोगी हुन्छ । नेपाली विभागको उच्च गरिमा र साखलाई बृद्धि गर्नका लागि अन्य के के गर्न सकिएला भन्ने बारेमा आगामी दिनहरुमा पनि लेख्दै गर्ने प्रतिज्ञा सहित आजलाई यति मात्र लेख्छु । नेपाली विभागका सबैजनामा सुमधुर सम्झनाका साथै हार्दिक नमस्कार । नेपाल-चीनबीचको सदियौं पुरानो मैत्री सम्बन्ध अमर रहोस् ।

धन्यवाद ।

राजेन्द्र पहाडी अध्यक्ष रेडियो श्रोता क्लब परिवारमैत्रीचोक चार,

कुश्मा, पर्वत