भित्री मंगोलिया जातिय स्वायत्त प्रदेशको बैदेशिक व्यापार स्थिति राम्रो बन्दै भइरहेको छ। भित्री मंगोलिया जातिय स्वायत्त प्रदेशको वाणिज्य विभागका उप-प्रमुख काउ स्याउ फङले हाम्रो रेडियोका सम्बाददातासँगको अन्तर्वार्तामा उक्त जानकारी दिनुभएको हो।
उहाँको जानकारी अनुसार, विश्वव्यापी बैंकिंग संकटको प्रभावमा चालू वर्षको अघिल्ला छ महिनामा भित्री मंगोलिया जातिय स्वायत्त प्रदेशको बैदेशिक व्यापारमा संलग्न रकम दुइ अर्ब असी करोड अमेरिकी डलर पुगेको छ र गत वर्षको सोही अवधिको तुलनामा तीस प्रतिशतले घटेको छ। तर यसअघि प्राप्त तथ्याङ्कसँगको दाँजोमा आयात-निर्यात घटेको दर विशेष गरी आयात घटेको परिमाण स्पष्ट रुपमा सानो बन्दै आएको छ। गत जुन महिनामा भित्री मंगोलियाको आयात-निर्यातमा संलग्न कूल रकम छपन्न करोड अमेरिकी डलर पुगेको र चालू वर्षको पूर्वार्धमा यो सबभन्दा ठूलो रकम बनेको बताइएको छ।
यसका साथै उहाँले चालू वर्षको उत्तरार्धमा भित्री मंगोलियाको आयात-निर्यात पूर्वार्धभन्दा राम्रो हुने अनुमान पनि गर्नुभयो।
|