श्री आदरणीय प्रमुख ज्यु नेपाली विभाग चिनियाँ अन्तर्राष्टि्रय रेडियो पैचिङ, जन गणतन्त्र चीन ।
विषय : थाइवान जल डमरुका दुई किनाराको सम्वन्ध बारे ।
महाशय, विश्वको एकमात्र विशाल एवं शक्तिशाली मुलुक चीनका बिगत दिनहरुमा कम्जोर भएको मौका छोपी पश्चिमी पूँजीवादी एवं साम्राज्यवादीले अभिन्न अंगहरुलाई आफ्नो अधिनमा पारेका थिए । बिगतका दिनहरुमा चीनका मुटुका टुक्रहरु हङकङ र मकाओ मातृभूमि चीनमा समाहित भइसकेका छन् । बिगत 156 वर्षदेखि बेलायतको उपनिवेशको रुपमा रहदै आएको सानो तर सुन्दर मुलुक हङकङले सन् 1997 को जुन 30 को मध्येरातदेखि मातृभुमि चीनमा समाहित हुने सौभाग्य प्राप्त गरेको छ । त्यसैगरी, सन् 1999 को डिसेम्वर 19 को मध्येरातमा 442 वर्षदेखिको लामो समयसम्मको पोर्चुगलको उपनीवेशवादबाट मुक्त भएर मकाओ मातृभुमि चीनमा समाहित भइसकेको छ । बिगत लामो समयदेखि चीनबाट बिदेशी शक्तिहरुको प्रयासबाट अलगिएर रहेको मुलुक थाइवानलाई मातृभूमि चीनमा समाहित गर्नको लागि चिनियाँ सरकारले शान्तिपुर्ण बाटो अपनाउदै आएको छ । विश्वको प्रमुख शक्तिशाली मुलुक चीनले शक्तिको प्रयोग नगरी शान्तिपुर्ण बाटो अपनाउनुलाई विश्वले एक उदाहरणको रुपमा हेरिरहेको छ । थाइवानमा राष्ट्रप्रमुखको परिवर्तनले चीनको शान्तिपुर्ण बाटोलाई सहयोग मिल्ने कुरामा हामी विश्वस्त छौं । यसै सिलसिलामा चीनले वार्ताको सौहाद्र वातावरण बनाउनको लागि पठाइएको उपहार स्वरुप विश्वको दुर्लभ जनावर पाण्डालाई वर्तमान थाइवान सरकारले सहर्ष स्वीकार गरेको छ । निवर्तमान सरकारले चिनियाँ सरकारको उपहार पाण्डालाई अस्वीकार गरेको थियो । त्यसैगरी, डिसेम्वर 21 तारीखदेखि थाइवान जलडमरुका दूई किनारा बीच हवाई सेवा, हुलाक सेवा र जल सेवा शुरु गरिएको छ । यस्ता विविध गतिविधीहरुले गर्दा चीनले आफ्नो मुटुको टुक्र थाइवानलाई शान्तिपुर्ण तरिकाले मातृभूमि एवं मुख्य भूमिमा समाहित गर्ने छ भन्नेमा हामी पुर्ण विश्वस्त छौं । वास्तवमा समयको माग पनि थाइवान जलडमरुका दुई किनाराको पूर्न मिलन हो ।
धन्यवाद
मान बहादुर खत्री
नेपाल ।
|