दक्षिण अफ्रिकाले दलाइ लामालाई प्रवेशाज्ञा दिन अस्वीकार गरेको जानकारी दक्षिण अफ्रिकाको राष्ट्रिति कार्यालयका प्रवक्ता थाबो मासेबेले दिनुभएको छ । दक्षिणा अफ्रिकाको जोहानेसबर्गमा यसै हप्ता हुने अन्तर्राष्ट्रिय शान्ति सम्मेलनमा सहभागी हुनका लागि दलाइ लामाको त्यहाँ जाने कार्यक्रम थियो ।
प्रवक्ताले तिब्बतका धार्मिक नेता एवम् नोबेल शान्ति पुरस्कार विजेता लामाले दक्षिण अफ्रिका आउने प्रवेशाज्ञा पाउनुभएन किनकि यस सम्मेलनमा उहाँको उपस्थिति दक्षिण अफ्रिकाको हितअनुकुल थिएन भन्नुभयो । दलाइ लामाले त्यस सम्मेलनमा भाग लिएमा सम्मेलनको ध्यान सन् दुइ हजार दशमा हुने विश्व कप फुटबलबाट अन्यत्रै तानिने कुरा प्रवक्ताले बताउनुभयो ।
दक्षिण अफ्रिकाले चीनसँगको ब्यापारबाट धेरै पाएको, तर पनि आगामी वर्ष दक्षिण अफ्रिकाले आयोजना गर्नलागेको सो प्रतियोगिताबाट सम्मेलनको ध्यान चीन र तिब्बततिर विकषित भएको देख्न दक्षिण अफ्रिका इच्छुक नभएको कुरा प्रवक्ता मासेबेले बताउनुभयो ।
सन उन्नाइस सय उनान्साठीको चीन सरकार विरुद्धको असफल विद्रोहपछि देश छोडी भागेका दलाइ लामाले भारतको धर्मशालामा निर्वासित जीवन बिताउँदैआएका छन ।
|