अन्नपूर्ण होटल काठमाडौँमा आयोजना हुने छैटौँ चिनियाँ शैक्षिक मेलाको उद्घाटन शिक्षा मन्त्री रामचन्द्र कुशवाहा र नेपालका लागि चिनियाँ राजदूत छ्वु कोहोङ्गले संयुक्त रुपमा गर्ने कार्यक्रम रहेको छ ।

        छैटौँ शैक्षिक मेलामा भाग लिनका लागि 26 सदस्यीय चिनियाँ प्रतिनिधिमण्डमल नेपाल आइसकेको छ । चीनका विभिन्न 11 वटा विश्वविद्यालयका 26 प्राध्यापक, कर्मचारी तथा विद्यार्थीहरुले आ-आफ्ना गतिविधि तथा उपलब्धीका बारेमा उपस्थित नेपालीहरुलाई जानकारी गराउनेछन् ।

        चीनमा गएर अध्ययन गरिने विषयमध्ये मेडिकल साइन्स र इन्जिनियरिङ्ग नेपालमा लोकपि्रय मानिन्छन् । त्यसपछि पत्रकारिता, अन्तर्राष्ट्रिय सम्बन्ध, सामाजिक सेवा जस्ता विविध विषयमा पनि चीनमा गएर अध्ययन गर्ने परिपाटी विकसित भइरहेको छ ।

         शैक्षिक मेलाको सबै पूर्वाधारहरु तयार भइसकेको जनाउँदै आयोजक संस्था अरनिको समाजका अध्यक्ष डा. शाहले नेपालीहरुको छनोट र चासो अनुसार नै चिनियाँ विश्वविद्यालयहरुले जानकारी दिने बताउनुभयो ।

         अरनिको समाजले हरेक वर्ष नेपालमा चिनियाँ शैक्षिक मेला तथा प्रदर्शनीको आयोजना गर्दै आएको छ । यसवर्ष पनि चीनमा पढ्न जाने नेपाली विद्यार्थी तथा तिनका अभिभावकहरुलाई मुख्य लक्ष्य बनाएर गरिएको शैक्षिक मेलाले चिनियाँ शिक्षा पद्धतिका बारेमा अध्यावधिक जानकारी प्रस्तुत गर्नेछ ।

         चेतनाथ आचार्य

        सि.आर.आई.

        काठमाडौँ