श्री आदरणीय प्रमुख ज्यु
नेपाली विभाग
चिनियाँ अन्तर्राष्ट्रिय रेडियो पैचिङ,
जन गणतन्त्र चीन ।
नयाँ वर्षको अवसरमा चिनियाँ राष्ट्राध्यक्ष हु चिन थाउले दिनु भएको शुभकामना महान छ । उहाँले विगतको वर्ष 2008 चीनको लागि एक असामान्य वर्षको रुपमा लिनु भएको छ किनकी यस वर्षमा चीनले बाढी, पैरो तथा भुकम्प जस्ता प्राकृतिक विपत्तहिरुको सामना गर्नुपरेको थियो भने यसै वर्ष नै विश्वकै उदाहरणयोग्य कार्यहरु 29औं ओलम्पिक र 13औं प्यारा ओलम्पिक खेलको आयोजना गरेको थियो ।
त्यस्तै यसै वर्षमा नै चीनले सेन्चौ नामक अन्तरिक्षयानलाई दुइजना चिनियाँ नागरिक सहित अन्तरिक्षमा सफल प्रक्षेपण गरेको थियो । राष्ट्राध्यक्ष हु चिन थाउले चालु वर्षको लागि उदाहरणयोग्य रणनीति बनाइने कुरा शुभकामनामा व्यक्त गर्नुभएको छ ।
वहाँको शुभकामना सन्देश निकै प्रंशसायोग्य र विश्वलाई नै एक सफल, समृद्धि र शान्त गृह निर्माण गर्नेमा केन्द्रिय रहेको छ । त्यसैगरी, रेडियोका निर्देशक वाँग कँग नेनको शुभकामना सन्देश पनि कम प्रशंसनीय छैन । वहाँको शुभकामनाले पनि अन्तर्राष्ट्रिय.रेडियोको विगत, वर्तमान एवं भावी कार्यनीति एवं योजनाले भरिएको छ ।
संक्षेपमा मितेरी पुलको यो अंक निकै नै स्तरीय एवं पठनयोग्य रहेको छ । यो अंक प्रकाशन भएको करीव 3 महिनाको अन्तराल पछि मात्र श्रोताहरुको माझ पुग्न सफल भएको छ । यो अंक समयमा नै श्रोताहरु माझ पुग्न सकेको भए अझ सुनमा सुगन्ध थपिने थियो कि भन्ने मेरो विश्वास रहेको छ । धन्यवाद ।
भवदीय
मान बहादुर खत्री
सी.आर.आई रेडियो मोनिटर
नेपालगञ्ज,
बाँके नेपाल ।
|