त्यसैले यो मित्रता नेपाल र चीन दुबै देशका जनताका लागि कहिल्यै ननाशिने विशाल निधि हो । नेपाल र चीन दुबै देशका पूराना र नयाँ नेताहरुले आ-आफ्नो बुद्धि, विवेक, दर्शन र अनवरत प्रयासबाट नेपाल र चीनबीचको सम्बन्धलाई फल्ने-फुल्ने अवसर दिलाएका छन । दुबै देशका नेताहरुको आधा सताब्दीभन्दा लामो समयसम्मको अथक प्रयासको परिणमस्वरुप राजनीतिक, आर्थिक तथा ब्यापारिक, सांस्कृतिक, शैक्षिक र अन्य क्षेत्रमा नेपाल र चीनबीचको सहयोग र आदान-प्रदानको प्रतिफलबाट दुबै देशका जनता लाभान्वित भएका छन । यस अथक प्रयासको प्रतिफलस्वरुप हाम्रा दुबै देशका जनताले यस प्रत्येक्ष लाभभन्दा पनि ठूलो कुरा हासिल गरेका छन, त्यो हो। दुइवटा फरक-फरक राजनीतिक-सामाजिक व्यवस्था भएका छिमेकी मुलुकहरुबीच विश्वमै उदाहरणीय बनेको मित्रवत सहयोग र शान्तिपूर्ण सह-अस्तित्वको वातावरण । नेपाल र चीनबीचको मित्रतालाई वर्षदेखि गति दिइरहेको चीन-नेपाल सम्बन्धको इतिहासलाई नियाल्दा तीनवटा स्पष्ट पक्षको पहिचान सजिलै गर्नसकिन्छ ।

         ती तीनवटा कुराहरु एक-अर्काप्रति विश्वास, समानतामा आधारित व्यवहार र वफादारिता हुन । यी दुइवटा देश एक-अर्कालाई सधैं सम्मान गर्छन, विश्वास गर्छन र सहयोग गर्छन । चीन सरकार अर्काको आन्तरिक मामिलामा हस्तक्षेप नगर्ने नीति अवलम्बन गर्दछ जसको परिणमस्वरुप चीनले जहिले पनि नेपालले आफै छानेको विकासको बाटोको सम्मान गर्दैआएको छ । चीनको यस्तो अहस्तक्षेपकारी नीतिका कारण पनि हाम्रा दुइ देशबीचको सम्बन्ध सधैं सुमधूर र विकसित अवस्थामा रहेको हो । प्छिल्ला वर्षहरुमा चीन र नेपालबीचको सम्बन्धमा अझ दु्रत गतिमा विकास भैरहेको छ । दुबै मुलुकका उच्च स्तरका नेताहरुद्बारा निरन्तर रुपमा एक-अर्का मुलुकको भ्रमण गरिएबाट आपसी सहयोगको वातावरणमा अरु सहजता देखापरेको छ, आपसी विश्वास र मित्रता अरु प्रगाढ बनेक छ ।