अक्टुबर 1 तारिख जन गणतन्त्र चीनको स्थापना दिवस हो। यो वर्ष नयाँ चीन स्थापना भएको 60 औं वार्षिकोत्सव हो। यस्तो सुखद अवसरमा हाम्रा प्यारा श्रोताहरुले हामीलाई शुभकामना पठाएर आ-आफ्नो मनको भावना पोख्नुभयो।
सी.आर.आई. श्रोता क्लव राष्ट्रिय नेपालको सांस्कृतिक विभागका प्रमुख मान बहादुर खत्रीले नेपालगञ्ज बिगतका वर्षहरु जस्तै यो वर्ष पनि अक्टुवर 1 तारीख नजिकिएर आउँदै छ । उ दिन हाम्रो घनिष्ट तथा मित्रराष्ट्र चीनको राष्ट्रिय दिवस हो । यस मुलुकले आगामी अक्टुवर 1 तारीखमा 60 औं राष्ट्रिय दिवस मनाउदै छ । जुन दिन चीन तथा चिनियाँ जनताले तानाशाही तथा दासप्रथाबाट सदासदाको लागि मुक्त पाएका थिए । सन् 1949 को अक्टुवर 1 तारीखमा हाम्रो अत्यन्त नजिकको छिमेकी तथा मित्रराष्ट्र जन गणतन्त्र चीन स्वतन्त्र भएको थियो । यस मुलुक स्वतन्त्र भएपछि, यसले आर्थिक क्षेत्रमा मात्र नभई हरेक क्षेत्रमा उन्नतिको शिखर चुम्दै विश्वका शक्तिशाली मुलुकहरुलाई पछाडी पार्दै गएको देखिन्छ ।
यसले आर्थिक, सामाजिक, साँस्कृतिक, बैज्ञानिक, प्राविधिक तथा अन्य क्षेत्रमा गरेको विकासको प्रतिफल हाम्रो देश नेपाल र हामी नेपाली जनताले प्रत्यक्ष वा अप्रत्यक्ष रुपमा पाइरहेका छौ । यस मुलुकले सानातिना कठिनाईहरु त न भोगेको होइन, तर मातृभुमिभन्दा हुरुक्क हुने चिनियाँ आँटिला तथा मेहनती जनताको साथमा बुद्धि, विवेकी तथा दूरिदर्शी चिनियाँ नेताहरुले समाधान गरिरहेका छन् र गर्ने पनि छन् भन्ने पूर्ण बिश्वास लिएको छु । चीनले आन्तरिक रुपमा रहेका सानातिना समस्याहरुलाई समाधान गर्न, बिगतका वर्षहरुदेखि मातृभूमिबाट अलगिएर रहेको चीनको अभिन्न अंग थाइवानलाई चीनले आगामी दिनमा मातृभूमिमा समाहित गर्न प्राथमिकता प्रदान गर्ने छ ।
यसको साथै, अन्तर्राष्ट्रिय क्षेत्रमा बढ्दै गईरहेको गरीवी, बेरोजगारी, बैकिंङ संकट तथा नयाँ नयाँ रोगहरुको निर्मूल गर्नमा आफनो महत्वपूर्ण भूमिका निर्वाह गर्न नै छ भन्ने पूर्ण विश्वास लिएको छु । चीन तथा चिनियाँ मित्रबन्धुहरुको राष्ट्रिय दिवसको अवसरमा मित्रराष्ट्र चीन, चिनियाँ सरकार, चिनियाँ कम्युनिष्ट पार्टी तथा चिनियाँ जनतामा मंगलमय शुभकामना व्यक्त गर्दै बिगतका दिनहरु भन्दा आँउदा दिनहरुमा उन्नति र प्रगतिको शिखर चुम्न अझ सफल हुदै जाओस, छोटो समयको अन्तरालमा नै विश्वको सर्वश्रेष्ठ मुलुक बन्ने सुभाग्य मिलोस, यहि नै मेरो हार्दिक मंगलमय शुभकामना। नेपाल चीन मैत्री सम्वन्ध अमर रहोस।
|