निरन्तर रुपमा आफ्नो आवाज मार्फत चीनमा भएका ठूल्ठूला परिवर्तन र विकासक्रम बारे विश्वलाई जानकारी दिदै चीन र विश्वका विभिन्न देशका जनता वीचको समझदारी र मित्रतालाई अरु सुदृढ एवं सुमधुर पार्न अथक प्रयास गर्दै आएको छौ ।

         हाल रेडियोबाट हरेक दिन विश्वका अठतीसवटा विदेशी भाषा र चीनका चार किसिमका स्थानीय भाषामा विश्वभरि 392 घण्टा प्रसारण भइरहेको छ । ती कार्यक्रमहरुले विश्वभरिका दुई सयभन्दा बढी मुलुक र क्षेत्र तथा चीनका पैचिग , शाड्गहाई र क्वा"ग चौ लगायतका दशभन्दा बढी शहरहरु तथा हंगकंग र मकाउ विशेष प्रशासनिक क्षेत्रहरुलाई समेटेका छन्। सन् 2004 मा सी.आर.आईले. संसार भरिका 161 वटा मुलुकका श्रोताहरुबाट  18 लाखभन्दा बढी चिठी पत्रहरु पाएको थियो, जसलाई व्यापक स्वदेशी-विदेशी श्रोताहरुले "चीन तथा अरु मुलुकका बीच सम्पर्क र आदान प्रदानको मितेरी पुल र फिता" को संज्ञा दिएका छन् र "चीनका बारेमा जानकारी लिने सबैभन्दा छिटो, सजिलो र प्रभावकारी बाटो हो " भनेका छन् ।

          सन् 1987 देखि 2004 सम्म चिनिया अन्तर्राष्ट्रिय रेडियोका तेइसवटा विदेशी भाषा र हान जातीको फुटोंग बोली तथा अरु तीनवटा स्थानीय भाषाका कार्यक्रमहरु प्रसारणका लागि जेनेरेटरहरु भाडामा प्रयोग गर्ने गरिएको छ र साथै आपसी सहयोग वा स्थानीय रेडियोको उपयोगका आधारमा एक अर्काका कार्यक्रमहरु प्रसार गर्ने गरिएको जसको कुल प्रसार समय 202 घण्टा पुगेको छ । चिनिया अन्तर्राष्ट्रिय रेडियोले विश्वका विभिन्न भागमा हुने घटनाहरुका बारोमा तत्काल जानकारी दिनका लागि प्राय: सबै महाद्दीपहरुमा 30 वटा र स्वदेशका विभिन्न प्रान्त, हर र स्वायत प्रदेश एवम् हंगकंग तथा मकाउमा समेत सम्वाददाता केन्द्रको स्थापना गरेको छ । यसबाट निकै ठूलो सूचना संजालको निर्माण भएको छ ।