 नेपाल र चीनबीचको मैत्री सम्बन्धमा काम गरिरहेको चीन अध्ययन केन्द्रले विशेष स्मारिका प्रकाशन गरेको छ । अध्ययन केन्द्रले नियमित प्रकाशन गर्दै आएको मितेरी पत्रिकालाई नयाँ चीन स्थापनाको 60 औँ वर्ष पुगेको उपलक्ष्यमा विशेषाका रुपमा प्रकाशन गरेको हो ।
चीन अध्ययन केन्द्रका अध्यक्ष मदन रेग्मी र महासचिव डा. उपेन्द्र गौतमले 60 औँ वार्षिकोत्सवका अवसरमा अक्टोबरको 1 तारिख बेइजिङ्गमा आयोजित विशेष समारोहमा नेपाली गैर सरकारी प्रतिनिधिका रुपमा भाग लिनु भएको थियो । सोही समारोहको फोटोलाई स्मारिकाको आवरण पृष्ठमा सजाइएको छ । त्यसैगरी नेपालका प्रधानमन्त्री तथा मुख्य राजनीतिक दलका नेता र नेपालका लागि चिनियाँ राजदूत छ्वु कोहोङ्गको शुभकामना सन्देसलाई पनि सो स्मारिकामा समावेश गरिएको छ ।
स्मारिकामा नेपाल र चीनबीचको मैत्री सम्बन्ध तथा विगत 60 वर्षमा चीनले उपलब्धी गरेका प्रगतिका नेपालका प्रख्यात् नेपाली विद्वानहरुका लेख राखिएका छन् । चीन अध्ययन केन्द्रका अध्यक्ष मदन रेग्मी, राजनीतिज्ञ कीर्तिनिधि विष्ट, प्राध्यापक मोहन लोहनी, प्रधानमन्त्रीका विदेशमामिला सल्लाहकार राजन भट्टराई, कृष्ण विलास, डा. उपेन्द्र गौतम प्राध्यापक डा. विश्वेश्वरमान श्रेष्ठ र वाइबी थापाका लेखहरु रहेका छन् ।
चीन अध्ययन केन्द्रले आजै प्रकाशन गरेको सो स्मारिकामा विश्व अर्थतन्त्रमा चीनको उदयले पारेको प्रभाव र दक्षिण एसियामा चीनले गरेको सहयोगमाथि पनि प्रकाश पारिएको छ । नयाँ चीन स्थापनाको 60 औँ वार्षिकोत्सवका अवसरमा बेइजिङ्गमा आयोजित विशेष समारोहमा चिनियाँ राष्ट्रपति हु चिनथाओले दिनुभएको मन्तव्यलाई पनि सो स्मारिकामा विशेष महत्व दिएर प्रकाशन गरिको छ ।
चेतनाथ आचार्य
सि.आर.आई.
काठमाडौँ
|
