चीन-अमेरिका बीसौँ वाणिज्य तथा व्यापार आयोग सम्मेलन उनान्तीस तारिख पूर्वी चीनको च च्याङ प्रान्तको हाङ चौ शहरमा आयोजना भयो। चीनका उप प्रधानमन्त्री वाङ छि शान र अमेरिकी वाणिज्य मन्त्री गेरी लोक, अमेरिकी व्यापार प्रतिनिधि रोन किर्कले उक्त सम्मेलनको संयुक्त रुपमा अध्यक्षता गर्नुभयो।

       उक्त सम्मेलनको हस्ताक्षर समारोहमा चीन र अमेरिका दुबै पक्षले 《चीन र अमेरिकाबीचको लगानीको प्रबृद्धनसम्बन्धी स्मृत्ति पत्र》, 《उच्च प्रविधि तथा रणनैतिक व्यापारसम्बन्धी सहयोगको कारवाही योजना》लगायतका एघारवटा आर्थिक तथा व्यापारिक सहयोग प्रतिवेदनमा हस्ताक्षर गरेका थिए। चिनियाँ वाणिज्य मन्त्री छन् त मिङले उक्त सम्मेलनपछि आयोजित् पत्रकार सम्मेलनमा बोल्दै उक्त सम्मेलनमा धेरै सहमति हासिल गरिएको कुरा बताउनुभयो। श्री छन् त मिङले भन्नुभयो:

        "चीनका उप प्रधानमन्त्री वाङ छि शान र अमेरिकी वाणिज्यमन्त्री गेरी लोक, अमेरिकी व्यापार प्रतिनिधि रोन किर्कद्बारा अध्यक्षता गरिएको चीन-अमेरिका बीसौँ वाणिज्य तथा व्यापार आयोग सम्मेलन भर्खरै सम्पन्न भयो। चीन र अमेरिकाको संयुक्त प्रयासमा उक्त सम्मेलनले विजय प्राप्त गरेको, धेरै सहमति हासिल गरेको र सकारात्मक उपलब्धि हासिल गरेको छ। "

         चीन-अमेरिका वाणिज्य तथा व्यापार आयोग सन् 1983मा स्थापना गरिएको थियो र दुई मुलुकबीच द्बिपक्षीय आर्थिक तथा व्यापारिक सहयोग र व्यापारिक विवादसम्बन्धी छलफल प्रणालीमध्येको एक हो।

         विगत बीस वर्षदेखि यता उक्त आयोगले द्बिपक्षीय आर्थिक तथा व्यापारिक क्षेत्रको पारस्परिक सहयोग सवल पार्न र द्बिपक्षीय आर्थिक तथा व्यापारिक सम्बन्धको स्थिर र स्वस्थ विकासको संरक्षण गर्नका लागि महत्वपूर्ण भूमिका निर्वाह गरेको थियो। उक्त सम्मेलनमा प्राप्त गरिएको ठोस उपलब्धिबारे चर्चा गर्दै चिनियाँ वाणिज्य मन्त्री छन् त मिङले बोल्दै चीन र अमेरिकाले व्यापार र लगानीमा संरक्षणवादको संयुक्त रुपमा विरोध गर्ने र जी बीस शिखर सम्मेलनमा हासिल गरिएको सहमति पालना गर्ने कुरा बताउनुभयो।

         चालुवर्ष चीन र अमेरिकाबीचको दौत्य सम्बन्ध स्थापना भएको तीसौँ वार्षिकोत्सव हो। विगत तीस वर्षदेखि यता विभिन्न क्षेत्रमा चीन र अमेरिकाको सहयोग द्रूत गतिले विकास भइरहेको छ। उनान्तीस तारिख बिहान आयोजित् चीन-अमेरिका बीसौँ वाणिज्य तथा व्यापार आयोग सम्मेलनको उदघाटन समारोहमा चीनका उप प्रधानमन्त्री वाङ छि शानले बोल्दै चीन र अमेरिका दुबै पक्षले चीन-अमेरिका वाणिज्य तथा व्यापार आयोगको महत्वपूर्ण भूमिका निरन्तर रुपमा निर्वाह गर्नुपर्ने कुरा बताउनुभयो। उप प्रधानमन्त्री वाङ छि शानले भन्नुभयो：

          "एक्काईसौँ शताव्दीलाई संयुक्त रुपमा निर्माण गर्ने सम्बन्धमा चीनका राष्ट्राध्यक्ष हु चिन थाउ र अमेरिकी राष्ट्रपति बाराक ओबामाद्बारा निश्चित गरिएको चीन र अमेरिकाबीचको सकारात्मक, सहयोगात्मक र चौतर्फी सम्बन्धको भविष्यको दिशा स्पष्ट भएको छ। दुई मुलुकका सरकारबीचको उच्चस्तरीय सहयोग प्रणालीको रुपमा चीन-अमेरिका वाणिज्य तथा व्यापार आयोग क्रमशःपूर्ण हुने र सम्बन्धित क्षेत्रहरु झन् व्यापक हुनेछन्। चीन र अमेरिकाले उक्त चौतारोमा महत्वपूर्ण भूमिका निर्वाह गर्नुपर्ने छ।"

          अमेरिकी वाणिज्य मन्त्री गेरी लोकले उद्घाटन समारोहमा चीन-अमेरिका वाणिज्य तथा व्यापार आयोग प्रणालीको उच्च मूल्यांकन गर्नुभयो। यसका साथै उहाँले उक्त प्रणाली दुई मुलुकको समृद्धि तथा प्रगति बढाउनका लागि हितकर हुनुका साथै दुई मुलुकले सन्तुलित र दिगो व्यापारिक सम्बन्धको सिर्जना गर्नका लागि हितकर हुने कुरा बताउनुभयो। श्री गेरी लोकले भन्नुभयो：

         "चीन-अमेरिका वाणिज्य तथा व्यापार आयोगले समस्याको समाधान गर्ने अवशर उपलब्ध गराएको छ। अमेरिकी सरकारले सहयोगात्मक र रचनात्क भावनाको आधारमा चीनद्बारा प्रस्तुत समस्याको समाधान गर्नेछ। किनकि दुवै पक्षले पारस्परिक सम्मान, सदिच्छा र सहयोगी भावनामा दुई पक्षका सामु देखापरेका सबै चुनौतिको सामना गर्न सक्नेछन्। "