चिनियाँ राष्ट्रिय विकास तथा सुधार समितिका उप-प्रमुख शे चन ह्वाले आज पैचिङमा बोल्दै सन् सन् 2012सम्म चीनको उर्जा श्रोतको किफायत तथा वातावरणीय संरक्षण सम्बन्धी उद्योगको कूल परिमाण अठाइस खर्ब चिनियाँ युआन पुग्ने अनुमान गरिएको कुरा वताउनुभयो।

           चीन-जापान उर्जा श्रोतको किफायत तथा वातावरणीय संरक्षण विषयक चौथो मञ्चलाई आज सम्बोधन गर्दै श्री शे चन ह्वाले भन्नुभयो, चीनले उर्जा श्रोतको किफायत तथा वातावरणीय संरक्षण सम्बन्धी उद्योगको विकास गर्ने महत्वपूर्ण क्षेत्र तथा मुख्य जिम्मेवारी भनेको उर्जा श्रोतको उच्च विकास गर्नु, श्रोत-साधनको पुन:प्रयोग सम्बन्धी उद्योगलाई सबल पार्नु र वातावरणीय संरक्षण उद्योगको ठूलो पैमानमा विकास गर्नु हो।

           त्यसैगरी प्राबिधिक प्रबन्धको स्तरलाई उकास्नु, उर्जा श्रोतको प्रभावकारी रुपमा किफायत गर्ने बस्तुको प्रचार-प्रसार गर्नु तथा उर्जा श्रोतको किफायत तथा वातावरणीय संरक्षण सम्बन्धी सेवामुलक उद्योगको विकासलाई गतिशील तुल्याउनु आवश्यक रहेको धारणा पनि उहाँको थियो ।