नेपाल र चीनबीचको मुख्य व्यापारिक नाका खासाको चिनियाँ भन्सार कार्यालयका अधिकारीहरु काठमाडौँ आएका छन्। छ छ महिनामा हुने द्बिपक्षीय बैठकमा भाग लिनका लागि चिनियाँ अधिकारी काठमाडौँ आएका हुन्। चिनियाँ अधिकारीले समकक्षी नेपाली अधिकारीसँग भन्सारलार्इ व्यवस्थित र नियमति बनाउनका लागि छलफल गर्नेछन्।
नेपाल हिमालय सिमापार वाणिज्य संघका अध्यक्ष दुर्गाबहादुर श्रेष्ठले सि.आर.आर्इ.लार्इ बताउनु भए अनुसार चिनियाँ भन्सार कार्यालयका अधिकार केही दिन अगाडि काठमाडौँ आएका हुन्। नेपाली र चिनियाँ भन्सार अधिकारीका बीच छ छ महिनामा नियमित बैठक हुने गर्दछ। तातोपानीको खासा दुई देशबीचको सबैभन्दा ठूलो व्यापारिक नाका हो। दुई देशबीचको 90 प्रतिशत व्यापार यही नाकाबाट हुने गर्दछ।
तातोपानीको नजिकै लार्चामा चिनियाँ सहयोगबाट सुख्खा वन्दरगाह निर्माण भइरहको छ। त्यसैगरी मितेरी पुलको आसपासको बजार विस्तार गर्न पनि चिनियाँ सहयोग जारी रहेको छ।
चीनले मितेरी पुलदेखि खासाको माथिल्लो बजारसम्मको सडक विस्तार र व्यवस्थित गर्ने काम सम्पन्न भएको छ। त्यसैगरी चिनियाँ भन्सार कार्यालय अत्याधुनिक र व्यवस्थित छ। तर, नेपाली भन्सार कार्यालयलाई व्यवस्थित तथा आधुनिक प्रविधि सुसम्पन्न गराउने कुरामा पनि चालु भन्सार अधिकारीको बैठकमा छलफल हुनेछ। त्यसैगरी नेपालको नेपाली उत्पादनलाई सुलभ तरिकाले चिनियाँ बजारमा निकासी गर्नका लागि भन्सार मिनाहाको नीतिलाई कार्यान्वयन गर्ने कुरामा छलफलको सूचिमा रहेको छ।
चेतनाथ आचार्य
सि.आर.आई.
काठमाडौँ
|