चीन सरकारले अफगानिस्तान तथा इराकका लागि आयोजना गरेको भूमिगत माइन हटाउने मानवतावादी तालिमको समापन समारोह आज नान चिङ शहरमा आयोजना भयो।

             अफगानिस्तान तथा इराक दुई मुलुकका अठ्तीस जना विद्यार्थीहरु सो तालिममा सहभागी भएका थिए। दुई महिनासम्मको पढाई तथा तालिम पछि दुई मुलुकका सहभागीहरुले भूमिगत माइन हटाउने आधारभूत सिद्धान्त जानेका छन्।

             गएको दश वर्षदेखि चीन सरकारले इरिटेरिया, थाइल्याण्ड, बोस्निया हर्जगोभिना लगायत करिब बीस वटा मुलुकहरुका लागि भूमिगत माइन हटाउने मानवतावादी सहायता उपलव्ध गराएर भूमिगत माइन हटाउने अन्तर्राष्ट्रिय मानवतावादी कार्यका लागि योगदान पुर्‍याएको छ।