आज बाह्र तारिखका दिन पेशावरमा भएको गोलीकाण्डमा परी पाकिस्तानस्थित इरानी वाणिज्य दूताबासका प्रवक्ता आबुल हासान जाफ्फरीको मृत्यु भएको छ।

           पाकिस्तानी प्रहरी पक्षका अनुसार श्री आबुल गोली लागेर गम्भीर घाइते भएका थिए। उनलाई सैनिक अस्पतालमा पुर्‍याएपछि उनको मृत्यु भएको थियो। यस घटनाको हालसम्म कुनै पनि संगठन वा व्यक्तिले जिम्मेवारी लिएका छैनन्।

           हालै पाकिस्तानी सैनिक पक्षले तालिवानको बाँकी शक्तिलाई सखाप पार्ने कार्वाही निरन्तर गरे पनि तालिवान समूहले पाकिस्तानको उत्तर-पश्चमी क्षेत्रमा आक्रमण गर्दा गतहप्ता मात्र चालीसभन्दा बढी मानिसको मृत्यु भइसकेको छ।