राजधानीको भृकुटीमण्डपस्थित प्रदर्शनीमार्गको गणेशमानसिंह पुस्तकालय नजिकै पुग्ने जो कोहीले पनि देख्न सकिन्छ छ जना शारीरिक रूपले अपाङ्गता भएका महिला पुरूषले भ्याइनभ्याई काम गरिरहेका छन् । उनीहरूको काम गराइको अवस्था हेर्दा अपाङ्गजस्ता देखिदैनन् । तर उनीहरू सबै हृविलचियर युजर हुन् । पातलो सुकुल ओछ्याइएको भुइमा लडिबुडी खेल्दै ती अपाङ्गता भएका व्यक्तिहरू खाम बनाउनका लागि कागज मिलाउन, चिठीका खाममा गम टास्न र क्यालेन्डर किताबहरूमा बाइन्डिङ गर्नमा सबैजना व्यस्त देखिन्छन् । मिहिनेत र इच्छा शक्ति जागेपछि अपाङ्ग पनि सपाङ्ग जस्तै आर्थिक र सामाजिक रूपमा आत्मनिर्भर बन्न सक्दा रहेछन् भन्ने उदाहरण बन्न सफल भएका छन् ।