इलामको आर्जन गर्ने प्रमुख कृषिजन्य उत्पादन अलैँचीले यस पटक एक दशक यताकै उच्च मूल्य पाएको छ । अलैँचीको मूल्यमा नयाँ रेकर्ड कायम भए पनि किसानहरू भने अझै निराश छन् । जिल्लाको अधिकांश गाविसमा उत्पादन हुने अलैँचीका किसानहरूले मूल्य आउनु अगावै बिक्री गरिसकेकाले यसको प्रत्यक्ष फाइदा व्यवसायीहरूलाई पुगेको छ । अलैँचीको मूल्य बढे पनि किसानहरूलाई फाइदा नभएको बताउँछन्, इलाम जोगमाई गाविसका अलैँची किसान लक्ष्मण खड्का, जे भयो सबै व्यापारीलाई नै भयो । अधिकांश किसानले अलैँची बिक्री गरिसकेकाले यसको प्रत्यक्ष फाइदा भने व्यापारिलाई पुगेको उहाँले बताउनुभयो ।
|