रुसको पर्म सीमावर्ती क्षेत्रको सदरमुकाम पर्म शहरको एउटा रात्री बारमा पाँच तारिख बिहान सबेरै भएको एक विस्फोटबाट कम्तीमा एक सयजनाको मृत्यु हुनुका साथै एक सय एकतीसजना घाइते भएका छन्। प्रारम्भिक छानबिनबाट नियम अनुसार आतशबाजी गर्नन नसकेर उक्त विस्फोट भएको हो। रुसी जरुरी स्थिति मन्त्रालयले पाँच तारिखका दिन उक्त खबर सार्वजनिक गरेको हो।
मन्त्रालयअन्तर्गत पर्म सीमावर्ती क्षेत्रीय शाखाका अधिकृतका अनुसार रुसको सम्बन्धित विभागले घटनास्थलमा उद्धार र सरसफाई कार्य गर्न एक सय बीसजना मानिसलाई पठाइसकेको अनि बीस थान यन्त्रहरुको समेत प्रयोग गरेको छ। घाइतेहरुलाई उपचारका लागि अस्पताल पुर्याइएको छ। सुरक्षा र न्याय विभागका कर्मचारीहरुले सो दुर्घटना उत्पन्न हुनुको कारणबारे छानबीन गरिरहेका छन्। हालसम्म उक्त विस्फोटको घटनामा आतङ्ककारीहरूको हात रहेको कुनै पनि प्रमाण प्राप्त भएको छैन।
|