अमेरिकी राष्ट्रपति बाराक ओबामा र रुसी राष्ट्रपति दमिट्री मेदभेदेभले चार तारिखका दिन "विनाशक आणविक अस्त्रमा कटौती र सीमित विषयक सन्धि"को म्याद सकिन लागेको विषयलाई लिएर एक संयुक्त वक्तव्य जारी गर्नुभएको छ। उहाँहरु दुवैले दुई मुलुकबीच सामरिक स्थिरता कायम राख्न समर्थन दिँदै यथाशक्य चाँडै अस्त्रमा गरिने कटौतीसम्बन्धी नयाँ सन्धि सम्पन्न हुने विचार व्यक्त गर्नुभएको छ।

               उक्त संयुक्त वक्तव्यमा उक्त सन्धिको म्याद सकिएपछि पनि दुवै पक्षले यथावत रुपमा सो सन्धिको भावनाअनुसार सहयोग गर्नुका साथै सामरिक अस्त्रसम्बन्धी नयाँ सन्धि छिटोभन्दा छिटो लागु हुने कुरा पनि प्रकट गरेका छन्।

            अमेरिकी विद्बानले यसै सन्दर्भमा कुराकानी गर्दै पुरानो सन्धिको सट्टा नयाँ सन्धि सम्पन्न हुने कुरा अमेरिका र रुस दुवै मुलुकको हितका लागि अनुकूल रहेको र विश्वव्यापी आणविक निशस्त्रीकरणलाई सवल पार्न दुवै मुलुकले चालेको महत्वपूर्ण पाइला भएको ठहर लिनुभएको छ।

            रुस र अमेरिकाबीच जेनेभामा आणविक अस्त्रमा कटौती गर्नेसम्बन्धी नयाँ सन्धि बारे सम्झौता वार्ता भइरहेको समाचार रुसी तास समाचार समितिले विदेश मन्त्रालयका एकजना विज्ञलाई उद्धृत गर्दै जनाएको छ।