पाकिस्तानको उत्तर-पश्चिमी भागमा पर्ने पेशावर शहरको एउटा रेस्टुराँअगाडि आज बम विस्फोट गराइएको छ। यसबाट दुई जनाको मृत्यु हुनुका साथै अन्य नौ जना घाइते भएका छन्।
स्थानीय टेलिभिजन स्टेशनले जनाएअनुसार सो विस्फोटबाट उक्त रेस्टुराँ नजिकको एउटा कार्यालय भवनमा आगो लागेको छ भने वरिपरिका बीसभन्दा बढी पसलहरु पनि ध्वस्त भएका छन्। यसअतिरिक्त केही गाडी पनि क्षतिग्रस्त भएका छन्। विस्फोटपछि केही सर्वसाधारणहरू आगलागी भएको भवनमा परेका छन्। स्थानीय बासिन्दा र उद्धारकर्ताले तत्स्थान गएर ती सर्वसाधारणलाई मुक्त गरेका छन्।
यस विस्फोटको कारण हालसम्म स्पष्ट पारिएको छैन। उक्त रेस्टुराँ नजिकै रोकेर राखिएको एउटा गाडीमा भएको विस्फोटबाट सो दुर्घटना भएको कुरा केही प्रत्यक्षदर्शीले बताएका छन्।
|