तिब्बत स्वायत्त प्रदेशको जातीय कला अध्ययन केन्द्रका प्रमुख गाल्सांग खोइज्याईले श्री सोनाम सेरिंगको अध्ययनबाट तिब्बती बोली तथा गायन कलालाई पहिलो पटक अक्षरका सहायताले रिकर्डिंग गरिएको जानकारी दिनुभयो। उहाँले अगाडि भन्नुभयोः

             "तिब्बती बोली तथा गायन कलाको दशकौं हजार वर्षको लामो इतिहास छ। तर पहिले यसको रिकर्डिंग अक्षरबाट प्रणालीबद्ध रुपमा गरिएको छैन। श्री सोनाम सेरिंगले तिब्बतको बोली तथा गायनबारे पहिलो पटक किताब प्रकाशन गर्नुभएको छ। यसबारे अध्ययन गर्न उहाँले धेरै कठिनाइको सामना गरेर निकै ठूलो प्रयास गर्नुभएको छ। उहाँको प्रयासबाट तिब्बती जातीय कलामा अत्यन्तै ठूलो योगदान पुर्‍याइएको छ। तिब्बती बोली तथा गायन कलाको विकास गर्न र त्यसको बिँडो थाम्नका लागि यसको भूमिका अतुलनीय छ।"

                श्री सोनाम सेरिंगले दिनुभएको जानकारी अनुसार, हालसम्म विश्वमा थाहा पाइएका बोली तथा गायनमार्फत प्रचलित सबैभन्दा लामो महाकाव्य तिब्बतको "गेसार" हो। सम्बन्धित तथ्यांक अनुसार, त्यसमा एक करोड पचास लाखभन्दा बढी अक्षरहरु छन। तिब्बतको समाज, इतिहास, राजनीति, अर्थतन्त्र, चालचलन, रीतिरिवाज, कला तथा संस्कृतिबारेको अध्ययनका लागि यो एउटा महाकोष नै हो। तिब्बती जातिको यस्तो मूल्यवान सांस्कृतिक सम्पदालाई विश्वको गैर-भौतिक सम्पदाहरुको सूचीमा समावेश गरेर त्यसको संरक्षण अझ राम्ररी गर्नसकिने आशा श्री सोनाम सेरिंगले गर्नुभयो। उहाँले अगाडि भन्नुभयोः

            "हाल घुम्नका लागि तिब्बत पुगेका पर्यटकहरुको संख्या दिन प्रतिदिन बढ्दैआएको छ। तिब्बतले तिनीहरुसमक्ष विविध भौतिक सांस्कृतिक सम्पदाहरु देखाउनुका साथै प्रतिभापूर्ण गैर-भौतिक सांस्कृतिक सम्पदाहरु पनि देखाउनुपर्छ। यसबाट ती पर्यटकहरुले तिब्बतको लामो इतिहास तथा विशेष संस्कृतिबारे अनुभव गर्न सक्छन। कुनै एउटा जातिका लागि आफ्नो जातिको भाषा, संस्कृति र रीतिरिवाजको विशेषताको बिँडो थाम्नु नै एउटा महत्वपूर्ण कर्तव्य हो। तिब्बती जातिको बोली तथा गायन कला विविधताले भरिपूर्ण छ। यसको अध्ययन गर्नुपर्छ र यसलाई अझ समृद्ध पार्नुपर्छ। यसको अस्तित्व मेटिनदिनु पटक्कै हुँदैन।"

           आफ्नो प्रयासमार्फत तिब्बती जातिको प्राचीन तथा विविध प्रहसन कार्य अविच्छिन्न रुपमा विकसित भई आधुनिक समाजमा अझ प्रतिभापूर्ण हुनसक्ने आशा श्री सोनाम सेरिंग गर्नुहुन्छ।