हामी सबैले फलफूल त खाएको नै हुनुपर्छ । फलफूल मध्ये पनि सुनतला सुलभ भएकोले धेरै जसोलाई मनपर्ने फलफूल हो । सुन्तला मिठोमात्र नभई यसलाई पौष्टिकताले भरिपूर्ण फलको रुपमा लिइन्छ । यसमा पाइने विभिन्न किसिमका पौष्टिक तत्त्वहरु स्वास्थ्यका लागि लाभदायक हुन्छन् । साथै यस्ता तत्त्वले विभिन्न किसिमका रोग न्यून गर्न पनि मद्दत मिल्छ । त्यसैले सुन्तलालाई बहुउपयोगी फलको रुपमा लिइन्छ ।

      सुन्तलाको मूल थलो दक्षिण-पूर्वी एसियामा भए पनि अहिले संसारका सबैजसो मुलुकमा यसको उत्पादन हुने गरेको छ । गुलियो स्वादका कारण यस फललाई धेरैले खान रुचाउँछन् । साथै संसारमै बढी प्रयोग गरिने फलहरुमध्ये यो पनि एक रहेको छ ।

      सुन्तलाको बोक्रा छोडाएर सोझै खान सकिन्छ । आजभोलि यसको जुस पनि धेरैले मन पराउने गरेका छन् । जुस खान सजिलो हुने भएकाले बूढाबूढी र केटाकेटीका लागि त झन् उपयोगी हुन्छ । त्यसैले आजकल सुन्तलाको जुस बजारमा बढी नै बिक्री हुने गरेको पाइन्छ । बोक्रा छोडाएर वा जुस बनाएर जसरी उपभोग गरे पनि सुन्तला स्वास्थ्यका लागि निकै लाभदायक हुन्छ । सुन्तलाको बोक्रा खानामा सजावटका लागि पनि प्रयोग गरिन्छ ।

      साथै केही औषधिहरुको लागि पनि यसको प्रयोग गरेको पाइन्छ । सुन्तला वा यसको जुसले शरीरमा स्फूर्ति बर्ढाई ऊर्जा दिने हुनाले कमजोर शरीर भएका व्यक्तिहरुका निम्ति यो अमृतसरह नै हुन्छ ।

      धेरैजसो फलफूलमा क्यालोरीको मात्रा कमै हुने गर्छ किनभने धेरै जसो फलफूमा पानीको मात्रा बढी हुने गर्दछ त्यसैले फलफूलमा पाइने क्यालोरीको श्रोत प्राकृतिक चिनी नै हो । सुन्तलामा पनि ८५% पानी हुन्छ । त्यसैले यसमा पनि कम क्यालोरी हुन्छ ।

      सुन्तलाको जुस गुलियो मिठो त छँदै छ यसले शरीरलाई फाइदा पनि निकै नै गर्दछ । एक गिलास शुद्ध सुन्तलाको जुस पिउनाले हाम्रो शरीरलाई चाहिने धेरै पौष्टिक तत्व प्राप्त गर्न सक्छौं । सवास्थ्यकर्मीहरु भन्ने गर्छन् एक गिलास सुन्तलाको जुस पिउनु र ५ थरी फलफूल वा तरकारी खानु बराबर हुन्छ । सुन्तलाको जुस धेरै किसिमको पाइने भए पनि शुद्ध जुस नै स्वास्थ्यको लागि लाभदायी हुन्छ किनभने यसमा बिभिन्न थरीको अरु मिसावत तत्वहरु हुँदैन ।

      सुन्तलामा प्रशस्त क्याल्सियम हुने भएकाले यसको सेवनबाट हाडको सुरक्षा हुनुका साथै हाड मजबुत बनाउन मद्दत पुग्छ । यसमा बेटा क्यारोटिन को उपस्थित रहने हुँदा मजबुत एन्टिअक्सिडेन्टको काम गरी कोषहरु टुट्न र ब्रि्रनबाट जोगिन मद्दत पुग्छ । नाकबाट बढी सिँगान बग्नेजस्ता समस्या पनि सुन्तला खाने गर्नाले कम हुन्छ । साथै हरेक दिन सुन्तलाको सेवन गर्दा दाँतको उचित हेरचाह हुने विश्वास पनि छ ।