|
जून  महिना एक तारिख अन्तर्राष्ट्रिय बालदिवसको शुभकामना दिनका लागि यस महिना मैले विशेष गरी बाल श्रोताहरुलाई अनेकौं खुशीयाली बाल-गीत प्रसारण गर्नेछु। बाल-गीतका पात्र सधैं नै पशुपंक्षी रहेका छन्। त्यसैले ती बाल-गीत सुन्नमा मीठा अनि सिक्नमा सजिला छन्।
चीनमा "दुईवटा बाघ" शीर्षकको बाल-गीत एकदमै प्रसिद्ध छ।
यस गीतको विषयलाई यसरी प्रस्तुत गर्न सकिन्छ—
दुईवटा बाघ
दुईवटा बाघ
छिटो छिटो कुद्छन्।
ती दुई बाघमध्ये एउटासँग आँखा छैन
अनि अर्कोसँग पुच्छर छैन
कति छक्क लाग्दो। 
दुईवटा बाघ
दुईवटा बाघ
छिटो छिटो कुद्छन्।
त्यसमध्ये एउटासँग आँखा छैन
अनि अर्कोसँग पुच्छर छैन
कति छक्क लाग्दो।
यो गीत हरेक चिनियाँ बाल-बालिकाले गाउँन सक्छन्। उनीहरुलाई यो गीत गाउँदा सधैं खुशी लाग्छ। फ्रान्स र दक्षिण कोरियामा पनि यो गीत छ। त्यसबाट यो गीत निकै प्रसिद्ध छ भनी थाहा पाउन सकिन्छ।
चीनमा अर्को बाल-गीत पनि रमाइलो र प्रसिद्ध छ। यस गीतको शीर्षक "मूसाले दियोको तेल चोर्छ" भन्ने सबैलाई थाहा छ, विजुली बत्ती नभएको बेलामा मानिसहरुले तेलमा बत्ती बालेर उज्यालो पाउने गर्थे। मूसाले दियोको तेल खान मन पराउँछन्। उनीहरु दियोको तेल चोर्छन्। यस गीतले यहि कुराको चर्चा गरेको छ।
सानी मूसी दियोमा पुगेर
तेल चोर्छे।
तर त्यसबाट तल्ल झर्न सक्दैन्।
म्याउँ म्याउँ, बिरालो आउँछ।
मुसी सुइँकुच्चा फुत्त भाग्छे।
|
