|
|
|
||
प्रधानमन्त्री माधवकुमार नेपालले अगामी सातादेखि गर्ने चीन भ्रमणको तयारी तीब्ररुपले अगाडि बढाउनु भएको छ । प्रधानमन्त्रीका विदेश मामिला सल्लाहकार राजन भटराईले सि.आर.आई.सँग कुरा गर्दै प्रधानमन्त्री नेपालको चीन भ्रमण ऐतिहासिक हुनेबताउनुभयो । नेपाललाई प्राप्त हुँदै आएको चिनियाँ सहयोग क्रमश: वृद्धि हुँदैगएको बताउँदै उहाँले प्रधानमन्त्रीको चीन भ्रमणले चिनियाँ सहयोग थप वृद्धि हुनेआशा प्रकट गर्नुभयो ।
प्रधानमन्त्री नेपाल कोपेनहेगेनमा सम्पन्न विश्व जलवायु सम्मेलनमा भाग लिएर हिजोआइतबार स्वदेश फर्कनु भएको हो । प्रधानमन्त्री नेपाल आगामी शनिबार नेपालको अशलछिमेकी मित्रराष्ट्र चीनको औपचारिक भ्रमणमा जाँदै हुनुहुन्छ । प्रधानमन्त्रीको चीन भ्रमणका समयमा नेपालमा चिनियाँ लगानी भित्र्याउने विषयमा मूलरुपमा कुरा हुने सल्लाहकार भटराईले बताउनुभयो ।
नेपालले विभिन्न समयमा उठाउँदैआएको मझौला तथा ठूला जलविद्युत उत्पादनमा चिनियाँ सहयोगको कुरालाईप्रधानमन्त्रीको यो भ्रमणमा पनि नेपालले उठाउने छ । त्यसैगरी दुई पक्षीय व्यापार,विकासका पूर्वाधारमा चिनियाँ सहयोग, लगायतका विषयमा पनि कुराकानी हुनेछ । केही समय अगाडि मात्र नेपाली सेनालाई चिनियाँ जनमुक्ति सेनाले गरेकोसहयोगलाई प्रशंसा गर्दै नेपालले चीनसँग नेपाल प्रहरी र सशस्त्र प्रहरीलाई पनिबन्दोवस्तीका सामग्री उपलब्ध गराउन अनुरोध गर्ने भएको छ ।
प्रधानमन्त्री माधवकुमारनेपाल राजनीतिक नेता, कुटनीतिज्ञ तथा चीन विशेषज्ञहरुसँग आसन्न चीन भ्रमणकोबारेमा छलफल गरिरहनु भएको भटराईले बताउनुभयो ।
चेतनाथ आचार्य
सि.आर.आई.
काठमाडौँ
© China Radio International.CRI. All Rights Reserved. 16A Shijingshan Road, Beijing, China. 100040 |