चीनको छ दिवसीय औपचारिक भ्रमणमा रहनुभएका प्रधानमन्त्री माधवकुमार नेपाल उहाँको सम्मानमा साङ्घाई नगरपालिका जनसरकारका मेयर हान चङ्गले आयोजना गर्नुभएको दिवाभोजमा सरीक हुनुभयो ।
दिवाभोजअगाडि उहाँहरु दुबैबीच आपसी चासो र द्बिपक्षीय सम्बन्धका विविध पक्षमा छलफल भएको थियो ।
प्रधानमन्त्री नेपालका साथ दिवाभोजमा उहाँकी धर्मपत्नी गायत्री नेपाल, उपप्रधान तथा परराष्ट्रमन्त्री सुजाता कोइराला, अर्थमन्त्री सुरेन्द्र पाण्डे, उर्जामन्त्री डा.प्रकाशशरण महत, परराष्ट्रसचिव मदन भट्टराई आदि सरकारी अधिकारी हुनुहुन्थ्यो ।
चिनियाँ समकक्षी वन च्या पाउको निमन्त्रणामा चीनको छ दिवसीय औपचारिक चीनभ्रमणमा रहनुभएका प्रधानमन्त्री नेपाल साङ्घाईबाट चीनको विशेष प्रशासनिक क्षेत्र हङकङग हुँदै आज साँझ स्वदेश फर्किने कार्यक्रम छ।
