नेपालको राजधानि काठमाण्डूमा मङ्गलबार दोस्रो एम्बेसडर कप चिनियाँ भाषा प्रतियोगिता सम्पन्न भएको छ । एक महिनासम्म चलेको सो प्रतियोगितामा सय भन्दा बढीले भाग लिएको र सबैबाट उच्च प्रशंसा पाएको बताइएको छ ।
सो दोस्रो एम्बेसडर कप चिनियाँ भाषा प्रतियोगितामा पुष्पा थापा बाल तहमा सुव्रत पौडेल माध्यामिक तहमा र सुनमाया तामाङ्ग वयस्क तहमा विजयी भए ।
उक्त प्रतियोगिताको समापन तथा पुरस्कार वितरण समारोहमा नेपालका लागि चिनियाँ राजदूत यङ्ग हौलान त्यसैगरी शिक्षा सचिव शङ्कर पाण्डे लगायत अरु विशिष्ट व्यक्तिको उपस्थिति थियो ।
सो क्रममा चिनियाँ राजदूतले प्रतियोगिता सफल भएको खुशी व्यक्त गर्नुका साथै दश हजार नेपालीले हाल चिनियाँ भाषा अध्ययन गरिरहेकोमा पनि खुशी व्यक्त गर्नु भयो । त्यसैगरी कन्फ्युसियस ईन्स्टिच्यूटलाई चिनियाँ भाषा र संस्कृति प्रचार गरेकोमा धन्यवाद दिनु भयो ।
त्यसैगरी शिक्षा सचिव शङ्कर पाण्डेले हालको समयमा चिनियाँ भाषा अपरिहार्य भएको बताउनु भयो ।
विजयी सुनमाया तामाङ्गले चिनियाँ भाषाले आफूलाई निकै आकर्षित गरेको बताइन् ।
