आइसीटी ब्राण्डिङ्ग प्रदर्शनीमा अवलोकन कर्ताले चिनियाँ सामानलाई अत्यधिक मन पराएका छन् । यही जनवरी 5 तारिखदेखि 9 तारिखसम्म काठमाडौँमा सम्पन्न भएको आइसीटी ब्राण्डिङ्ग प्रदर्शनीमा झण्डै 50 हजार अवलोकनकर्ताहरु भेला भएका थिए ।
प्रदर्शनी व्यवस्थापक प्रमुख सी.एन. उपाध्यायले सी.आर.आई.लाई बताउनु भए अनुसार प्रदर्शनीमा ल्यापटप, डेक्सटप, मोबाइल फोन लगायतका आधुनिक प्रविधिका उपकरणहरु समावेश गरिएको थियो । सो अवसरमा दैनिक लाखौँको कारोबार भएको थियो भने कतिपय अवलोकन कर्ताले पछि सामान खरिद गर्नका लागि अगि्रम सामान बुकिङ्ग गरेको उपाध्यायले बताउनुभयो ।
विगत एक दशकदेखि काठमाडौँमा आइसीटी ब्राण्डिङ्ग प्रदर्शनी हुँदै आएको छ । नेपालमा बिक्री हुने ल्यापटप, डेक्सटप कम्प्युटर लगायत मोबाइल फोनहरु चीनमा बनेका हुने गरेको बताउँदै उपाध्यायले चीनमा बनेका प्रविधिजन्य मेसिनरी सामानहरु सस्तो पर्ने तथा गुणस्तरको ग्यारेण्टी प्रदान गरिएका हुन्छन् । तसर्थ चिनियाँ सामानले नै प्रदर्शनीको 90 प्रतिशत हिस्सा ओगटेको पनि उहाँले बताउनुभयो ।
आइसीटी ब्राण्डिङ्ग प्रदर्शनीले एकातिर क्रेता तथा अवलोकनकर्तालाई जागरुक बनाएको छ भने अर्कोतफ कम्पनीहरुले एकैचोटी ठूलो मात्रामा व्यापार विस्तार गर्ने अवसर पनि पाएका छन् । यस प्रकारका प्रदर्शनीले महङ्गो विज्ञापन गर्नु नपर्ने र सोझै उपभोक्तासँग अर्न्तक्रया गर्न सकिने हुनाले कम्पनीहरुलाई पनि प्रत्यक्ष लाभ पुगेको प्रदर्शनी व्यवस्थापक उपाध्यायले बताउनुभयो ।