सातौं चीन – दक्षिण एशिया व्यापार मञ्चको बैठक चीनको युननान प्रान्तको खुनमिङ शहरमा जुन चार तारिखबाट औपचारिक रुपमा सुरु भएको छ ।
चीनको अन्तर्राष्ट्रिय व्यापार प्रवर्द्बन समिति,चीनको युन नान प्रान्त सरकार तथा दक्षिण एशियाको संयुक्त उद्योग र वाणिज्य समितिले मिलेर उक्त मञ्चको आयोजना गरेका हुन्।
थाहा भएअनुसार,व्यापार मञ्चको सम्मेलनमा अफगानिस्तान, बंगलादेश,भुटान,भारत,नेपाल,श्रीलंका, पाकिस्तान तथा माल्दिभ्स आदि मुलुकका उद्योगी व्यवसायी र वाणिज्य संघका प्रतिनिधिहरु सहभागि भएका छन् ।
सो अवसरमा ती प्रतिनिधिहरुले सम्मेलनमा सहभागि हुनुका साथै खुन मिङ आयात निर्यात माल सामान मेला तथा दक्षिण एशियाली मुलुकहरुको व्यापारिक मेलाको पनि अवलोकन गर्नेछन् ।