चिनियाँ कम्युनिष्ट पार्टीको 18 औं राष्ट्रिय महाधिवेशन 8 तारिख बिहानदेखि पेइचिंगको जन बृहत सभा भवनमा सुरु भएको छ। 18औं राष्ट्रिय महाधिवेशनको प्रतिवेदन नयाँ परिस्थितिमा चिनियाँ विशेषतायुक्त समाजसम्बन्धी नयाँ सफलता प्राप्त गर्ने राजनैतिक घोषणा-पत्र र गतिविधि भएको श्री हु चिन थाउले बताउनुभएको छ। 9 तारिख बिहान 18औं महाधिवेशनअन्तर्गत च्याङ्ग सु प्रान्तीय प्रतिनिधि-मण्डलको छलफलमा संलग्न भएको बेलामा उहाँले उक्त कुरा बताउनुभएको हो। उहाँका अनुसार, आफूहरूले 18औं महाधिवेशनको भावनाको शिक्षा लिने र व्यवहारमा उतार्ने विषयलाई नयाँ प्रारम्भिक विन्दु बनाएर गहिरो रुपमा कार्यभारको विचार गर्नुका साथै निरन्तर रुपमा एकता तथा प्रयास गरी चिनियाँ विशेषतायुक्त समाजवादी महाकार्यलाई अगाडि बढाउने क्षेत्रमा नयाँ र अझ बढी उपलब्धि हासिल गर्नुपर्छ।
हिजो दिउँसो उ पाङ कौ, वन च्या पाउ, च्या छिङ्ग लिन, ली छ्याङ्ग छुन, सी चिन फिङ्ग र ली ख छ्याङ्ग आदि नेतागणले बेग्लाबेग्लै रुपमा प्रतिनिधि मण्डलमा भाग लिएर छलफल गर्नुभयो।
उ पाङ कौले आन ह्वी प्रतिनिधि मण्डलको छलफलमा भाग लिँदै हु चिन थाउको महत्वपूर्ण प्रतिवेदनमा मार्क्सवादको अडान, ठहर र उपाय देखाइएको बताउनुभयो। उहाँले यो नै नयाँ ऐतिहासिक परिस्थितिमा चिनियाँ विशेषतायुक्त समाजवादको नयाँ विजय प्राप्त गर्नकोलागि राजनैतिक कार्यनीति हो र यो नै सम्पन्न समाजको चौतर्फी निर्माणको निर्देशकीय पनि भएको औँल्याउनुभयो।
वन च्या पाउले थेन चिङ प्रतिनिधि मण्डलको छलफलमा भाग लिँदै श्री हुको प्रतिवेदन व्यवाहारिक आधारमा सैद्धान्तिक नविकरण देखाइएको र मूल स्थितिबाट रणनैतिक योजना गरिएको जोड दिनुभयो।
च्या छिङ्ग लिनले पैचिङ्ग प्रतिनिधि मण्डलको छलफलमा भाग लिँदै विशाल चीनको विशेषतायुक्त समाजवादी झण्डा उठाउंदै तङ्ग स्याउ फिङ्ग सिद्धान्त, "तीन वटा प्रतिनिधि"बारेको महत्वपूर्ण विचारधारा तथा वैज्ञानिक तवरद्बारा विकास अवधारणाको निर्देशनमा चिनियाँ विषेशतायुक्त समाजवादी राजनैतिक विकास बाटोमा दृढताका साथ अगाडि आइरहेको कुरा व्यक्त गर्नुभयो।
ली छ्याङ्ग छ्वनले स् छ्वान प्रतिनिधि मण्डलको वार्तामा भाग लिँदै चिनियाँ विशेषतायुक्त समाजवादी साँस्कृतिक विकासको बाटोमा अगाडि आएको, समाजवादी साँस्कृतिक विशाल मुलुकको निर्माण प्रयास गरेको, सम्पूर्ण सम्पन्न समाजको निर्माण र चिनियाँ प्रजातान्त्रिक महा पुनरारम्भलाई साकार तुल्याउने प्रक्रियामा समाजवादी साँस्कृतिक विकासलाई अगाडि सारेको कुरा बताउनुभयो।
सी चिन फिङ्गले शाङ्ग हाई प्रतिनिधि मण्डलको वार्तामा भाग लिँदै चिनियाँ कम्युनिष्ट पार्टीको 18औं राष्ट्रिय महाधिवेशन नै सम्पूर्ण सम्पन्न समाजको स्थापना गर्ने चिनियाँ मार्गमा प्रवेश गर्ने निश्चित चरणमा सुरु भएको महत्वपूर्ण वार्ता हो भन्नुभयो।
ली ख छ्याङ्गले शान तौङ्ग प्रतिनिधि मण्डलको वार्तामा भाग लिँदै हु चिन थाउको प्रतिवेदनले समष्टीगत रुपमा पार्टीको इच्छाशक्ति र जनताको आशा देखाएको कुरा बताउनुभयो।
ह कौ छ्याङ्गले फू च्यान प्रतिनिधि मण्डलको वार्तामा भाग लिँदै विशाल चीनको विशेषतायुक्त समाजवादी झण्डा उठाउंदा चिनियाँ कम्युनिष्ट पार्टीको 18औं राष्ट्रिय महाधिवेशनमा गरेको विभिन्न बन्दोबस्तलाई सम्पूर्ण रुपमा व्यवहारमा उतारेको कुरा औँल्याउनुभयो।
चौ यौङ्ग खाङले सिनच्याङ्ग युगुर जातीय स्वायत्त प्रदेशको वार्तामा भाग लिँदै हु चिन थाउको प्रतिवेदनले पार्टी र मुलुकसम्बन्धी कार्यको विकासको श्रृंखला महत्वपूर्ण सिद्धान्त र वास्तविकताको गहन रुपमा जानकारी दिएको छ । साथै उहाँले त्यो प्रतिवेदन नै चिनियाँ विशेषतायुक्त समाजवादी बाटोमा पार्टी दृढताका साथ अगाडि आएको विषयमा राजनैतिक घोषणा भएको बताउनुभयो ।
