चिनियाँ राष्ट्रिय जनकाँग्रेसको बाह्रौं स्थायी समितिका प्रतिनिधिहरुको पहिलो सम्मेलन तथा चिनियाँ जन राजनैतिक परामर्शदात्री सम्मेलनको बाह्रौं राष्ट्रिय समितिको पहिलो सम्मेलन मार्च पाँच र मार्च तीन तारिखका दिन पैचिङ्गमा शुरु हुने भएको छ। मार्च एक तारिख मध्यान्ह बाह्र बजेसम्म चीनका दुइटा महाधिवेशनमा रिपोर्टिङ्ग गर्नका लागि दर्ता गरिएका चिनियाँ तथा विदेशी पत्रकारहरुको संख्या 3 हजार पुगेको छ। तीमध्ये विदेशी पत्रकारको संख्या लगभग 1 हजार रहेको छ भने हङ्गकङ्ग तथा मकाउका पत्रकारहरुको संख्या 4 सय रहेको छ।
ती विदेशी पत्रकारहरु विकसित मुलुक, अफ्रिका, ल्याटिन अमेरिका लगायतका विकसोन्मुख मुलुकका पत्रकारहरु हुन्। चीनको समष्टिगत आर्थिक नीति तथा समष्टिगत अर्थतन्त्रको प्रवृत्ति, चीनले अर्थतन्त्रलाई उत्तेजित पार्ने नयाँ नीति चाल्ने वा यूरो संकटप्रति चीनले चाल्ने सहयोगात्मक कदमहरु जस्ता विषयलाई ती पत्रकारहरुले बढी ध्यान दिने विषय हुनेछन्। साथै विदेशी संचारमाध्यमले सामाजिक प्रत्याभूति, चिकित्सा सुधार, शैक्षिक अवस्थाको सुधार लगायत चिनियाँ जनताको दैनिक जीवनसँग घनिष्ट सम्बन्ध भएका विषयहरुमा दिने ध्यान पनि देखिन्छ।
